یاهو

حضرت زهرا س

بو سوزلریله منیم خسته قلبیمی سیخما

غریبم آچ گوزوی،حیدرین ائوین ییخما

مگر بنا بو دگوردی همیشه باهم اولاخ

اگر چه آیری تَن اما،بو تَن ده بیر دَم اولاخ

من ایندی عم قیزی سنسیز نه چاره ائتمه لییه م

هَزارم ایندی چمن سیز نه چاره ائتمه لییه م

غروب وقتی یامان وقتیده غروب ائتدون

غریبه وقتیده آتدون غریبیوی گئتدون

نه نوعی قاره چکیم ایندی عشق لانه سینه

بالالارین نه دییم سن سیزم بهانه سینه

سوالِ عشقِ علی نین جوابینی یومدون

گوزون یوموب منیم عمروم کتابینی یومدون

منیم ازلده قاتیشمیش گیلیمده سن زهرا

ئولونجه هر یئره گئدسم دیلیمده سن زهرا

سنون گوزونده علی نین جهانی غرق اولدی

سولان یوزونله طراوت ئولوب گولی سولدی

قصور مندن اولوب،من خزانه یول وئردیم

خزانه وحی اولونان آستانه یول وئردیم

ئولونجه قلبیمی تیرِ غمیله بولمه لییه م

سنون جسارتیوه من خجالت ئولمه لییه م

یادیمدا مندن اوتور سینه وه نه غم ساشدون

نه نوعی خیبری فتح ائیلییه ن الی آشدون

همیشه مندن اوتور اشکی قانه قاتدون سن

شهامتونله منیم باشیمی اوجاتدون سن

گوزومده خاطره لر زنده دور همیشه منیم

محبتون سالیب عاشق دیلیمده ریشه منیم

گئچن او گونلری یادش بخیر فاطمه جان

وفالی اَللری یادش بخیر فاطمه جان

بو ال منیم نئچه یاره م اولیدی باغلاردی

منیم غمیم ده بو گوزلر همیشه آغلاردی

گوزون یاشین اَلییب،الده مرهمه قاتدون

قویوب یارالاریما عشقیویله توخداتدون

ولی اورک غمیوی من آلانمادیم زهرا

سنون بو بیر یاراوی توخدادانمادیم زهرا

اورکده درد و دیله بیرجه آن مجال ائیله

علی نی گوزلریوی یوممامیش حلال ائیله...

#هاتف_حضرتی
#حضرت_زهرا_س

یاهو

آناوی عفو ائله،قیزیم اگر آلانمیرام

قوجاقیمه قولومی بوینوا سالانمیرام

اوزوم اوز اللریمله تئلرون یوامیرام

بیر اللی شانه بیرده زلفوه ویرانمیرام

(سینه می داغلاما_قیزیم بو قدری آغلاما

آچیب بو جا نمازیمی دوباره باغلاما)

دوروب اوتورماغیم،اولوب بلای جان قیزیم

بیر عالمین غمی،بو دیلده دور نهان قیزیم

اوقدری زحمتیم چوخ اولدی فضه یه،سنه

اوتاندیریر منی بو کوینگیم ده قان قیزیم

(سینه می داغلاما_قیزیم بو قدری آغلاما

آچیب بو جا نمازیمی دوباره باغلاما)

خزانه توش اولوب،سولان بهاره بنزیرم

سینه یارا،پری_ سینان هَزاره بنزیرم

اگیبدی قدیمی جوان جوان بو غصه لر

الیم بئلیمده پیر و خسته یاره بنزیرم

(سینه می داغلاما_قیزیم بو قدری آغلاما

آچیب بو جا نمازیمی دوباره باغلاما)

سینم قانین سیله سیله عذاره یاخمیشام

نه قدری تیرِ غم اولا بو قلبه تاخمیشام

منی نه میخ در،فقط بو غصه لر یوروب

علی قوجاخلییب دیزین من ائوده باخمیشام

(دوزنمیرم غمه_بو غم گورر بیر عالمه

گره گشا اوزی باتیبدی ایندی ماتمه)

ییخامازییدی داغ،علی نی هر نئجه ولی

قالیبدی غصه دن بئلینده نامدار الی

ائله گونه دوشوب آچامیر اوز قاپیسینی

الهی خیبری بیر اللی فتح ائدن علی

(گوزومی باغللارام_ئولونجه سینه داغلارام

یارام دا توخداسا_ولی بو درده دیغلارام)

مرام عشق اودور که عشقه جان اولا فدا

گل اگلش اورگدیم،سنه وئرنده یوز بلا

علی قیزی منیم،بو ائوده جانشین بالام

سنونده سرنوشتیوه یازبلا کربلا

(بو نور عینمیه_صفای عالمِینیمه

ئولونجه یاور اول_بو بی کفن حسینیمه)

#هاتف_حضرتی
#حضرت_زهرا_س
#زبانحال_درد_دل_با_حضرت_زینب_س

"یاهو"
____
گوزون آچ ای علی نین نو بهاری

سولان گل تک جفاده ن گل عذاری

نجه سن سیز ادیم دل خوش بهاره

اولا لعنت دریله میسماره

(دیله غم آلمیشام سس وئر اماندی

کمک سیز قالمیشام سس وئر اماندی)

سنی زهرا،حسینین جانی سس ور

اولا حیدر گوزون قربانی سس ور

اقلاً آچ گوزون محض اِلٰهه

سالیم دنیایه غوغا بیر نگاهه

(دیله غم آلمیشام سس وئر اماندی

کمک سیز قالمیشام سس وئر اماندی)

سنه وابسته دی هر لحظه جانیم

یاتیب پِلکِ غمون آلتدا جهانیم

گوزون آچ بیر منه دل دردیوی دِه

یانیر بو حالیله آرتیق نهانیم

(دیله غم آلمیشام سس وئر اماندی

کمک سیز قالمیشام سس وئر اماندی)

اوزوم گوردوم قاپیم اود دوتدی یاندی

اوزوم گوردوم سینون میخه دایاندی

اوزوم گوردوم نه نوعی در آچیلدی

گولوم،غنچه م نئجه باهم تالاندی

(دیله غم آلمیشام سس وئر اماندی

کمک سیز قالمیشام سس وئر اماندی)

اوزوم گوردوم هارا میسمار تاخیلدی

گوزون محنت فشاریندن آخیلدی

اوزوم گوردوم اوزوم گوردوم یارالی

کی سینون قانی دیواره یاخیلدی

(دیله غم آلمیشام سس وئر اماندی

کمک سیز قالمیشام سس وئر اماندی)

اوزوم گوردوم سولوبدی نور عینیم

اوزوم گوردوم کی آغلیر زینبینیم

اوزوم گوردوم حسن تیتریردی زهرا

ایاق آلتیندا قالمیشدی حسینیم

(دیله غم آلمیشام سس وئر اماندی

کمک سیز قالمیشام سس وئر اماندی)

او دم کی گوللریم بو حاله قالدی

بو غم صبر و قراری مندن آلدی

بو سولماخ بو شرارِ در،بو آتش

غمِ کربوبلانی یاده سالدی

(دیله غم آلمیشام سس وئر اماندی

کمک سیز قالمیشام سس وئر اماندی)

امان اول لحظه دن کی اود سالا لار

خیامِ اهل عترت اودلانالار

دوشَلر چوللره آهو مثالی

چوخی گول تک ایاق آلتدا قالالار

(دیله غم آلمیشام سس وئر اماندی

کمک سیز قالمیشام سس وئر اماندی)

#هاتف_حضرتی

یاهو

روحوم،جسمیم،جان آنام

باغریم اولدی،قان آنام

بال و پری سینمیش یاتما

گَل زینبی گوزدن آتما

آدی جوان ایوای ننم وای

قدی کمان ایوای ننم وای

(ایوای ننم ایوای ننم وای)

ای دائم غم صحبتی

عمری آز،چوخ محنتی

عمری آز اولان،دردی چوخ

ای یارسینه درمان یوخ

وار هرنه عمروم آغلارام من

قالسون یاراوی باغلارام من

(ایوای ننم ایوای ننم وای)

یانّام اَرییه ن تَنه

یاراشمیر کفن سنه

جسمون اَرییب غم لردن

قالمیر اثرون پیکردن

دیوار و در بو درده سالدی

منن سنی ظلمیله آلدی

(ایوای ننم ایوای ننم وای)

تابوتون دل داغلاری

تنده کفن آغلوری

تشییع ائدنون قدی خم

چیگنینده گئدیر بیر عالم

گویا بو تابوت ایچره مادر

تشییع اولور زهرا و حیدر

(ایوای ننم ایوای ننم وای)

صبریمی غمدن کَسَن

قوجالدار منی حَسن

وار غصه نهان سوزونده

دائم یانیر ال یوزونده

هی کوچه دن ائیلور گلایه

بیلمَم یانیر هانچی بلایه

(ایوای ننم ایوای ننم وای)

بو سَسده عالم یانور

گویده مَلک اودلانیر

سسلور سنی نور عینون

آغلور نئجه گور حسینون

دور مهریله ال یوزونه چک

آغوشیوه آل ساغلیغون تک

(ایوای ننم ایوای ننم وای)

ای غملی،ای خسته جان

قال بو گئجه میهمان

بو نوعی بیزی ترک ائتمه

گئتمه آناجانیم گئتمه

تابوتیوه چاتمیر الیم حیف

قویمور آتام منده گلیم حیف

(ایوای ننم ایوای ننم وای)

#هاتف_حضرتی
#حضرت_زهرا_س
#بدرقه_تابوت

"یاهو"
______________

گوز آچ وفالی سَمَنیم، گئدمه یالقیزام زهرا، من آدام سیزام زهرا

((سَسیمَه یوخ سَس وئره نیم، گئدمه یالقیزام زهرا، من آدام سیزام زهرا))

جَهانداسَنده َن صورامنیم،یوخدی یارو غَم خواریم

کیمیم وارآلسین سَلامیمی،سَن سیزای هواداریم

چَتین زَماندا اولار مَنیم،کیم امیدودلداریم

اُمیدیم ای جان و تَنیم، گئدمَه یالقیزام زهرا، من آدام سیزام زهرا

سَن اولماسان کیم اولار غم و درده روبرو، زهرا

قولومی کیم بیر ده بَس آچار،باغلاسا عَدو زهرا

دِی نئیلییم نِصف شَب حسین، ایستیَه ندَه سو زهرا

سینه مده چوخدی مُحَنیم، گئدمَه یالقیزام زهرا، مَن آدام سیزام زهرا

ئولونجَه گوزیاشی گَرتوکَه م،نیسگیلیمدَه بو بَسدی

بَهاریمین کوچه ده یولون،ظلمیله خزان کَسدی

گولوم سولوب، گلِستانیمه، صَرصَرجَفا اَسدی

سارالدی باغ وچَمَنیم، گئدمَه یالقیزام زهرا، مَن آدام سیزام زهرا

ییخیشدی زاغ و زَغَن چوله، یاندیراگلستانی

قاپیم یانیب، شُعله دَرک اِئدیب سینه ثریّانی

گله ن اَیاخلیردی گُل کیمی،یئرده جِسم زهرانی

دوشوب اودا یاسَمَنیم،گئدمه یالقیزام زهرا، من آدام سیزام زهرا

چاتیر سَمایه اِئوینده ن آه ونواو وای ایوای

آلیبدی زلفون اَلَه دئیور، زینَبیم نه نم لای لای

حسین آچیب باش توکور گوزن،یاشین آغلیور های های

دئیور نه نم وای حَسَنیم، گئدمه یالقیزام زهرا،من آدام سیزام زهرا

سَزادی (هاتف) گوزی داشیب ابرِتَک یاغا دائم

بولورکی زهرایه کوچَه دَه،ظُلم ائدیب نئجه ظالم

قاپی یاناندا اولوب نه لر، بولموره م، خدا عالم

اویئرده سولدی چَمَنیم،گئدمَه یالقیزام زهرا، من آدام سیزام زهرا

#هاتف_حضرتی
🔹🔹🔹🔹🔹🔹🔹🔹🔹🔹

حضرت زهرا س

پروانه یم،کی شعلهٔ عشقونده یانماسام

ئولَلم خجالتیله بو درده تالانماسام

اولسون حرامیم عشقون اگر کوی صبریده

اوز قانیمیله میخ دریله بویانماسام

یکسر دولوبدی باده تک عشقون وجودیمه

دوررام ئولونجه عشقیویله گر جالانماسام

عهد ائیلدیم کی قلبیوه غم قویمویام دولا

عفو ائیله،سن دیئیه ن کیمی گویلون آلانماسام

سینه م فشاره دوزمه دی،من چوخ چالیخلادیم

شرمنده گر کی یول ره صبره سالانماسام

من ایستیرم دوروب دولانام،ائیلیَنمیرم

چوخ غم یئمه دوروب قاباغوندا دولانماسام

وار علتی،دیئمورم اما علی،فقط

معذور دوت ایاقیوه بیر دم دورانماسام

آل باشیمی دیز اوسته،دانیش درد دل ائله

آخسا گوزوم،داریخما دوباره اویانماسام

#هاتف_حضرتی

یاهو

اولوب دی رنگِ گول خزانی

دیله گتیردی باغبانی

دییردی دیلده هی نهانی

یانیرام من

یانیب دی اودتدا گلستانیم

یانیر بو محنتیله جانیم

نه نوعی گور گئدیر جوانیم

یانیرام من

سنی حسن سنی حسینیم

منیم صفای عالمِینیم

دانیش منیله نور عینیم

یانیرام من

دانیش سو سَپ شرارِ آهه

بو گویلی داغلا بیر نگاهه

ترحم ائت بو بی پناهه

یانیرام من

سبب منم سولوب بهارون

من آلمیشام اولان قرارون

غم اولدی منله روزگارون

یانیرام من

دوشوبسن ای گولوم نه حاله

تنونده وار طَنینِ ناله

آچیبدی پیرهنونده لاله

یانیرام من

وار آیریلیق غمی سوزونده

نه قاندی فاطمه گوزونده؟

اوزوک نشانی وار یوزونده

یانیرام من


منیم سلامیمی آلان،دور

غمیمده فکریمه قالان،دور

منی بو درده ای سالان دور

یانیرام من

دانیشماسوندا حقلیسن سن

اولانمادون ائویمده ایمن

بو باره ده خجالتم من

یانیرام من

خزان خزان خزان،بهاریم

بو غملی قلبیده قراریم

گوز آچ همیشه لیق نگاریم

یانیرام من

سینونده لاله دوندی زرده

سالیب منی به غصه درده

نه اولدی اولدی پشتِ درده

یانیرام من

سَسون نِیِ گلویه بنزیر

تَنون شکنجِ مویه بنزیر

سینون سینیخ سبویه بنزیر

یانیرام من

ائدیب نه قدری آه و شیون

اورکلنیب دئییبدی دیلدن

گوز آچ خانیم عمو اوغلوام من

یانیرام من

□□□□

تلاطم ائتدی شوقِ دریا

یوزه دگیب دَمِ مسیحا

دیله گلیب بو سوزده زهرا

ئولورم من

دئدی عمو اووغلو گویلوی آش

بئله اشاقه سالما سن باش

گوزوه دوزمَرَم دولا یاش

ئولورم من

گوزوم گوزوه مبتلادی

بو نه سیزیلدی نه نوادی

واریم یوخوم سنه فدادی

ئولورم من

نه غم گلیب دوزوب دایاندیم

تالاندی گلشنیم،تالاندیم

قاپیم یاناندا منده یاندیم

ئولورم من

گئیب الیمدن اختیاریم

دئمه که دوزمه دی نگاریم

جالاندی شیشه قراریم

ئولورم من

قاپی،لگد،منیله،دیوار

وسط ده منله ایستی مسمار

نه حاله گور قالار بو بیمار

ئولورم من

فدک قرارینه گئده ندن

او کوچه ده گئدیب گلندن

اوتانمیشام بالام حسن دن

ئولورم من

سوروشما بو غمِ نهانی

بوراخ گوزوم ده لخته قانی

قدون اولار غمه کمانی

ئولورم من

#هاتف_حضرتی

یاهو

من عاشقم،بو فرصتی زهرادن آلمیشام

یعنی اولان بو نعمتی زهرادن آلمیشام

مداح و شاعر،آغلیانام یا،نه فرقی وار

بیر سائلم که شخصیتی زهرادن آلمیشام

قربان اولوم، آنام منه بو عشقی اورگدیب

دائم دئییب بو عفتی زهرادن آلمیشام

یاد ائیلیون ئولن آنالاری_ آتالاری

چون که دئیوبله عزتی زهرادن آلمیشام

بو گوز یاشیندا فاطمه مدیونی ام، بیر عمر

گر آغلاسام بو حالتی زهرادن آلمیشام

کوچه به کوچه هی عَلم آلتیندا گزمیشم

ایوای دئییب بو رٵفتی زهرادن آلمیشام

هر کیمسه من گدایه ائدیر احترام اگر

من هئچ کسم،بو حرمتی زهرادن آلمیشام

گوز یاشینا وئریلر عجب قیمت اهل بیت

من حشره تک بو قیمتی زهرادن آلمیشام

دنیا بهشت اولا،بو لذتی بیر لحظه وئرمرم

دیلده اولان محبتی زهرادن آلمیشام

قربان اولوم جلالتینه،هر نه ییم اولا

عزت،شرف،جلالتی زهرادن آلمیشام

آواره، لااُبالی بیر کسیدیم آلدیلار منی

قربان اولوم شرافتی زهرادن آلمیشام

من #هاتفم،اسیر خَمِ مویِ حیدرم

اما سخن ده قدرتی زهرادن آلمیشام

#هاتف_حضرتی
#التجا_حضرت_زهرا_س

شمع غمه پروانه،خداحافظ عمواوغلو

یانماغم هجرانه،خداحافظ عمواوغلو


اگلش یئره ای بلبل شوریده گلشن

خلوت ائله،بیرسن قال اتاقدا،علی بیرمن

چوخداندی دوشوب گویلومه آرامش سینه ن

حسرتده دی بیرآنه،خداحافظ عمواوغلو

گرچه منه خاطروئریلیب جنته زینت

بیرلحظه وصالوندی عمواوغلومنه جنت

واللهی دگه ر،بودم آخرده کی وصلت

مینله رائله رضوانه،خداحافظ عمواوغلو

یاداولسون اوگونلرکه بوکاشانه ده بیزده

بیرجان دیئه،مین جان ائشیده ردوخ ایکیمیزده

قالدی گوزوموزحسرتیله بیربیریمیزده

افسوس اولادورانه،خداحافظ عمواوغلو

حیف اولدی که خوش گونلریمیزتئزباشاچاتدی

آزسینیله،چوخ غصه،فلک سینه مه چاتدی

دان اولدوزوم هئچ،چیخمادی ابرغمه باتدی

چک پرده بوعنوانه،خداحافظ عمواوغلو

بلبل ستم خاره دوزه ر،گلشنه خاطر

یوخ منتی،یاندیم،ولی دوزدیم سنه خاطر

بیرلحظه دانیش سنده عمواوغلومنه خاطر

سو سپ دل سوزانه،خداحافظ عمواوغلو

زهرادؤزه بیلمزسنی غملی گوره بیرآن

آه اوسته چکیب آه،منی یاندیرماعلی جان

گوزیاشوی سئل تک،گوزوه فاطمه قربان

آز توک بئله دامانه،خداحافظ عمواوغلو

زهرانین ازلده ن یازیلیب غم اجلینده

تئزگئدماقی مشهوریدی ضرب المثلینده

ائیله بووصیت لره دقت عملینده

بلکه یئته پایانه،خداحافظ عمواوغلو

غسل ائیله،ده بوگل سارالیب اؤزچمنیمده

اما اؤزوی سیخما بو درد و محنیمده

"پیراهنیمی قوی قالایورگون بدنیمده"

گلمه ولی افغانه،خداحافظ عمواوغلو

غسل ائیله،کفن قیل،ائله تشییع گئجه یاری

بوسوزلره بیربیرعمل ائیله سنی تاری

خوشدورکه ازل یار آلا بیر باغرینا یاری

صونرا وئره جانانه،خداحافظ عمواوغلو

صحن ودرودیواره باخیب چوخ دئمه ایوای

گوزیاشوی رخساره توکوب،آغلاماهای های

تاپشیرمنی قبره،ده جوان فاطمه لای لای

لای لای ده غریبانه،خداحافظ عمواوغلو

"هاتف"نقدریازسا غمیمده ن گئنه آزدی

بیلمم نئیه دفنین سوزونی پرده لی یازدی

بیرکلمه کی یار قبرینی دلدار اوزی قازدی

اود سالدی دل و جانه،خداحافظ عمواوغلو!

#هاتف_حضرتی

یاهو

بعد از دفن حضرت زهرا س

غرض دریای حِلم الله،یَمِ حِلمانی دفن ائتدی

قازیب اوز صَبرینین قبرین،ولی زهرانی دفن ائتدی

غبارین سیلکییب قبرین اللیندن،غم باشا چیخدی

الینده وار یوخون دفن ائیلییب الّلر بوشا چیخدی

دئدی زهرا گوروب خَیر والوَرانی ایندی دینجلدون؟

ائدیب بی کس عَلیّ المُرتضیٰ نی ایندی دینجَلدون؟

بیر اللّی هی قنوتونده دُعاوین حاجتین آلدون

خلاص اولدون اوزون اما،منی گور نه گونه سالدون

همان حیدر کی تیترَردی ایاقی آلتدا یِئر گویلر

قالیب ایندی ائله حاله که سنسیز بیر ئولوم ایستَر

اولان اولدی منه،سنده یانیبسان منله بو اوتدا

یاتیب توپراقلار آلتیندا ائویمی ییخمیسان زهرا

فدا ایثاریوه،غمده منه سینه سپر اولدون

منه گلمیشدی درد و رنج سن مندن بَتَر اولدون

سنی میخِ در و آتش،منی بو صحنه یاندیردی

چاغیردون فضه نی گوردوم،منی بو سَس اوتاندیردی

بو دوقّوز ایلده بیر دفعه خجالت ائتمه دون زهرا

ییغیب بیر یئرده آخر لحظه تابوت ایسته دون زهرا

سنه گهواره قولی وئردیم عکسه دوندی بو باره

مُحیا ائتدی تابوتون همان اسبابِ گهواره

گرک سندن صورا لطفِ جهانی بوشلییام زهرا

ئولونجه من سنه بیر زندگالیق بوشلییام زهرا

سیخلمیش قلبیمی آرتیق غمیله سیخدیلار نئیلیم

سنی مندن آلیب آخر ائویمی ییخدیلار نئیلیم

اولان اولدی،یانان یاندی،فقط رفعِ ملال ائیله

ائویمده اینجیدون زهرا منی دیلدن حلال ائیله

سنی تاپشیردیغیم توپراقه آماجِ غبارم من

یانان کاشانه مه دور گور نه نوعی رَه سپارم من

منیم احوالیمه ایندی قرا گونده فلک آغلار

منی بو حالیله گورسه قیزون زینب اگر دیغلار

گئدیم هانچی ائوه؟بیر ائو کی سن سیز قاتلِ جاندی

منه سنسیز هله ائو هئچ،بو دنیا کلی زندان دی

بیر ائو کی خاطراتونله دوزولموش خشتی خشت اوسته

وجودونله سنون اقدم گلردی مین بهشت اوسته

بیر ائو کی هر وجب ده مین گولوش دفن اولدی ظلمیله

حسادت اللریله گلشنِ عشقیم اود ایچره سولدی ظلمیله

بو ائودن ظلم اَلی هر خاطرِ دیرین لیغی آلدی

سنی آلدی،منیم ائودن اولان شیرین لیغی آلدی

گئجه یاری بو قبر اوسته اوتورماز مرتضی بیجا

نه سندن اَل اوزه بیلَلم،نه دیز وار گئدماغا زهرا

ولی گوزلور بالالاریم ائویمده قلبی بشکسته

گرک دیز گلمسه نئیلیم،گئده م حتی اوزوم اوسته

من ایندی اولماسام ائوده،اولار اشکیله ائو دریا

هامیسی بیر طرف اما،حَسن حتما ئولَر زهرا

گلنده کوچه ده گوردوم،که بیر یرده غمه دولدی

نَنم وای سَسله دی آرام،اَل اوزده گول کیمی سولدی

بوکولدی دیزلری،آه و فغانی دیلده لمس اولدی

بیر اَل اوزده بیر ال دیواریده،اشکیله گوز دولدی

اورکدن رنگ اندوهین گئدیب ائوده سیلیم زهرا

آلیب گویلون نوازش له،گرک دردین بیلیم زهرا

بو نئچه گون آغیر سوز گوزیاشیندا گورموشم زهرا

هله تل تل آغارمیش مو باشیندا گورموشم زهرا

فدک جریانینه سنله گلَندن غم سارالدیبدی

نه غم وار بیلمیرم دیلده اونی بئیله قوجالدیبدی

#هاتف_حضرتی

یاهو

چون آئینه با جفایِ سنگ مشکل دارم

بشکسته دلی که با خَدنگ مشکل دارم

از کودکی ام هراسم افتاده به جان

با واژهٔ #کوچه_های_تنگ ،مشکل دارم

#هاتف_حضرتی
#حضرت_زهرا_س
#امام_حسن_ع

دفن حضرت زهرا(س)

✍سعید حضرتی (هاتف)

جبریله حیدر آیریلوری غملی یاریدن
صبحه یاخیندی،آز قالوری شام تاریدن

بیر نعش آلوبدی باغرینا،دیز توپراقا قویوب
سئل تک آخور سرشکی نمایان عذاریدن

هی ایستوری مزاره قویا،اللری اَسور
آیریلماقا محبتی قویمور نگاریدن

آغوشه باسدی حسرتیله،یاندی،آغلادی
آز قالدی دیغلاسین غم الینده فشاریدن

سس گلدی قبریدن که علی وئر امانتی
بیر جوت اودم ال اولدی نمایان مزاریدن

پیغمبرین الییدی،تانوردی او اللری
نعشین وئرنده ئولدی ولی شرمساریدن

الله بیلیر نه نوعی قویور قبره وار یوخون
ال اوزدی بیر گئجه یله او دار و نداریدن

بیر گول قویور مزاره که سینمیشدی ساقه سی
حتی دوشوبدی غنچه سی ظلم شراریدن

گلبرگینی هدف ائلیوب خاره ظلم الی
یاندی تمام برگ و بری حدِّ ناریدن

بلبل یانیر،نه اینکه گولون آیریلیقینا
بیر گول قویور مزاره که دویموش بهاریدن

تاپشیردی قبرینه دئدی یات راحت اول گولوم
سالمیشدی سینه وین یاراسی اختیاریدن

یات،حیدری حلال ائله شرمندیم اگر
گون گورمه دون منیله گئچن روزیگاریدن

اما دئمه که سنسیز علی چوخ یاشار_گئدر
قالماز،دوشر طبیعتی حتما قراریدن

بیرده دئمه علی نی ییخانمازدی داغ،ییخیب
داغون سنون سالار داغیدا اقتداریدن

بیر عمر دشمنه دالی چوندَرمیه ن علی
یوز دوندریب بو دهره،دوشوب اعتباریدن

سنسیز نه خیری واردی علی تکجه یاشیا
ایسته ر علی که تئز ئوله،پروردگاریدن

"هاتف" ندا وئرر بو سوزی کل عالمه
حیدر ئولر چاتینجا سنه انتظاریدن

کپی فقط با ذکر منبع جایز است👇👇👇
🔴محرم نوحه لری🔴
https://telegram.me/Ashar_Nab_Mazhabi
#فاطمیه_محرم_نوحه_لری

🍁درد دل حضرت زینب س

با حضرت زهرا س🍁

یاهو

نه چتیندی بستره گر دوشه،یارالی یارالی جوان آنا

توخونوبدی ظلمیله صحنیده،ائله بیر بهاره خزان آنا

آنانین ایاقینی عشقیله،دوشوب حسرتیله اوپر قیزی

بونا خاطر حسرت آناسینین،کی گلینیغیندا چکر قیزی

هامیدان چوخ،ئولسه اگر آنا،غم بی شماره دوشر قیزی

یانیب آه و دادیله گیزلیجه،یوزه ائیلر اشکی روان آنا

دانیشاخ آنا بالا دردیده ن،ده منه اورکده نه وار سوزون

گئزیشیر الون منی آختاریر،دانیشاندا گورمور آنا گوزون

نه نیازی شانه بو تئللره،بئله سالما زحمته اوز اوزون

الی شیل اولا بئله حالته،الیوی بو درده سالان آنا

سنیله گئدیب آلان حقیوی،الی بوش سنیله گلن یانیر

ندی ماجرا آنا بیلمیرم،نه جفا اولوبدی،گوره ن یانیر

نئچه گوندی گل کیمی هی سولور،اسور ال ایاقی،حسن یانیر

ولی دیل دوداق آرا هی دئیور،جان الی یوزونده قالان آنا

ائله گل کیمی بو نئچه گونی،سارالیب غمونده بو نور عین

سیخیلیبدی گوشه خلوته،کسیلیبدی دیلده کی شور و شین

آنا سن یاتان دمی گیزلیجه،اوپور ال ایاقیوی هی حسین

ایاقون اوپن دمی چوخ یانیر،وار اورکده نه سر نهان آنا

نه دئیور،نه اوخشوری بیلمیرم،دل ماسواسینی یاندیریر

دل ماسواسینی،جدینی،آتاسی آناسینی یاندیریر

نه دئیور حسین،نه بلالی چول،نی اولوب نواسینی یاندیریر

نه باشی،نه کوینگی نه کولی،نه گوزونده لخته لی قان آنا؟

نه دئیور حسین،ندی ماجرا،منی یاندیریر آنا گل دیله

بو نه سوزدی سویله هاچان دوشر،هارا،هانچی غصه لی قافله؟

هارا میهماندی حسین هاچان،گئدجاق تنوریلی منزیله؟

سن حسینیمین جان سن دئنه ن،بو نه اوتدی،اوتدا یانان آنا

بودی"هاتفین"غمی قلبیده،کی سوز اهلی دردینی بیلمیه

گوزونون یاشین توکه عارضه،ولی هئچ کس اشکینی سیلمیه

چکیر انتظار نگارینی،وای او گون که دادینه گلمیه

گرک اوندا ائیلیه شکوه سین،اوز اوزیندن اوندا نهان آنا...

#هاتف_حضرتی

کانال اختصاصی اشعار کربلایی #هاتف_حضرتی

▪️◾️ @HATEFFHAZRATI ◾️▪️

🌿مدح حضرت زهرا س🌿

یاهو

کیست زهرا،عالم امکان از او

از وجودش کرده کسب آبرو

کل دنیا میکده،زهرا سبو

خم می از عشق او در نشات است

می ننوشد هرکه کم ظرفیت است


کیست زهرا،حمله دار تور عشق

منجلی در قلب و رویش نور عشق

حا و سین و یا و نونش شور عشق

حیدر او با خداهم خصلت است

این حسینش شیعیان را عزت است


نام زهرا اول سر لوح عشق

چون سفینه عالم و،او نوح عشق

خالق یکتا تن و او روح عشق

فاطمه برخلقت حق علت است

در حقیقت باعث این خلقت است


فاطمه یعنی تمام انبیا

فاطمه یعنی محمد مصطفی

فاطمه یعنی علی شیر خدا

کل اینها جمع این شخصیت است

او برابر با تمام خلقت است


فاطمه یعنی ز خاتم تا علی

تا لحد از مهد یعنی با علی

ذکر لبهایش دمادم یا علی

ذکر یاحیدر بر او حیثیت است

یاعلی هردم به قلبش قوت است


ساقی میخانه حیدر مست او

هستی عالم همه از هست او

روز محشر هم شفاعت دست او

اوکه عالم از رخش در خجلت است

درقیامت شافع این امت است


عرشیان یکسر سفیر بام او

باده صهبا خمار جام او

حک شده بر باب جنت نام او

خالقش هرچند رب العزت است

لیک زهرا صاحب این جنت است


سوسن و نرگس گریبان چاک او

کل دنیا زیر پایش خاک او

ذکر یا رب است نام پاک او

قدسیان از ذات او در حیرت است

نام او هفت آسمان را زینت است


گرد راهش چشم دل را توتیا

ترجمان حق و تندیس حیا

در لغت زهرا به معنای وفا

فاطمه سر لوحه هر عورت است

اول و آخر کلامش عفت است


"هاتف"عاصی غلام خانه اش

شمع جان او،عالمی پروانه اش

عاشقش رب وعلی دیوانه اش

عالمی از خلقتش در حیرت است

صورتش با ذات حق هم سیرت است

#هاتف_حضرتی

🍂زبانحال حضرت علی ع🍂

🍁غسل حضرت زهراس🍁

یاهو

یانام باخارام بو ارییه ن پیکره زهرا

باخ باشیوین اوسته قوجالان حیدره زهرا

(گوز آچ، زهرا اماندی_داخی صبریم تالاندی)

امتله علی نین آراسیندا گیله دوشدی

اود ویردیلار اود غنچه وبرگ و گوله دوشدی

حیدرگولونون یانماقی دیلدن دیله دوشدی

عالم بویی چاتماز بو محن آخره زهرا

دل صحبتی خوشدور دل و دلدار آراسیندا

حق دور یانا بلبل اودا گلزار آراسیندا

نیسگیلدی قالا گل در ودیوار آراسیندا

بلبل باخا حسرتله گل پرپره زهرا

مجنون غم لیلی له یانیب صبح ومساء گر

افسانه دی افسانه دی افسانه دی یکسر

بلبلدن اوتور کیم بئله عشقی گوروب آخر

خون دلیله گول یازا عشقین دره زهرا

مغسلده کمک سیز دایانیب خسرو خوبان

فرض ائیله بنادن ییخیلیب پایه ی ایمان

برهم اولونوب ظلمیله شیرازه قرآن

ناطق دایانیب غسل ائلیه کوثره ،زهرا

وار یاددا گئدیب جنگه گلیب یاره م اولاندا

بیر بیر یارامی باغلاماقون عشقیله زهرا

من بیر یاراوی باغلاماقا عاجزم اما

نئیلیم؟سینه وین قانی آخور یکسره زهرا

مین بئیله منیم یاره می باغلاردون عزیزیم

باغلاردون،اوپه ردون،سینه داغلاردون عزیزیم

خلوتده یانیب،گیزلیجه آغلاردون عزیزیم

حسرتدیم ایندی او گئچن گونلره زهرا

حاشا آتا حیدر گولونون لطف و کرامین

ای اوتدا حمایت ائدن عشقیله امامین

مهریله علی نین ای آلان ائوده سلامین

سندن صورا ایوای اولا بو حیدره زهرا

"هاتف"غم واندوهیوه دائم سینه داغلار

ایوای آنام ایوای،آنام ایوای دئییب آغلار

تاج شرفین،قاره وی آغلار باشا باغلار

آغلار گوزی قربان یومولان گوزلره زهرا

#هاتف_حضرتی

یاهو
______________
درعشق شما چه هاست بانو؟

دل غرق یم صفاست،بانو

صورت که،چه گویمش،همین بس

آئینه حق نماست بانو

نام توچه دارد آخراین که

برهرغم مان دواست بانو

صحن در خانه ات به مولا

سرمنزل کبریاست،بانو

خاک کف پای عاشقانت

بر دیده چو توتیاست،بانو

این درد ز من توان گرفته

تا حشر،غمت به جاست بانو

آخربه چه علتی شمارا...؟

دل غرق غم ونواست،بانو

سیلی،ب ب بخش،وای قلبم

مردن به خدا رواست بانو

گیرم که فدک وفا نکرده

دنیا همه بی وفاست بانو

اصلانکند دلت بگیرد

"ایران فدک شماست،بانو"

مدح توکجاو "هاتف"اصلا

مداح شما خداست،بانو

#هاتف_حضرتی
🔹🔹🔹🔹🔹🔹🔹🔹🔹

یاهو

دیلده بیر درد واریم ایستیرم اولسون عَلَنی

هامی آگه دی بولور غیرتیله مسئله نی

نئجه ظالم اولا ویرماز گینه بیر حامله نی

ولی گور ثانی نه حیوان دی کی عقلی چاشدی

کوچهٔ تنگیده بیر حامله یه ال آشدی

شرفیم اولسا اگر اَیرینی دوزدن بولرَم

بو سینیخ قلبیمی داسِ محنیله بُولرَم

غیرتیم اولسا یئری دوشسه بو درده ئولرَم

هر رکاب اوسته اوتورموش بَدله قاش دئمرم

بو زنازاده لره من بابا قارداش دئمرم

سیلِ ویرانگرِ بی مایه یه سَد لازم دی

جای وحدت بولارا سنگ لحد لازم دی

منه تاریخ و روایات و سند لازم دی

اعتراف ائیلیوب اوز ناشرِ بی حدّی لری

فاش ائدیب عالمه کیمدی بولارین جَدّی لری

گرک اولده اوزوم شرم و حیامی باغیریم

اسگیح انسالارین اوستونده تالانسین آغیریم

من نه غیرتله زنا زاده نی قارداش چاغیریم

او زنا زاده کی دنیانی الولاندیردی

در و دیوار آرا زهرا آنامی یاندیردی

آدم و عالمِ امکان اونا لعنت اوخیور

بدنیمده داریخان جان اونا لعنت اوخیور

نئجه کی خالق سبحان اونا لعنت اوخیور

بو شعاری گورورَم بیرگونی دیللرده دولا

اول و دومی و سومیه لعنت اولا...

#هاتف_حضرتی

#بر_عمر_لعنت

یاهو

سنه حیران کل دنیا

خانم یا امّ ابیها

بتول،انسیه،حبیبه

شهدیده،مرضیّه،زهرا

بهاریم سان_اقتداریم سان_اعتباریمسان_عشقِ حیدر

سنون عشقونله نه ماتم

سنیله دیلدن گئدر غم

آتون قربانون اولان یئر

سنه قربان کلِ عالم

بهاریم سان_اقتداریم سان_اعتباریمسان_عشقِ حیدر

آدون قرآنین صفاسی

غمون هر دردین دواسی

اورکلر غمله دولان دا

بودور عاشقلر نواسی

بهاریم سان_اقتداریم سان_اعتباریمسان_عشقِ حیدر

ایکی روح عیناً دی بیر تن

بونی بیلدی هامی اعلن

نه فرقی عشق عالمینده

علی سنسن یا علی سن

بهاریم سان_اقتداریم سان_اعتباریمسان_عشقِ حیدر

بهارون یوخدور خزانی

دوتوبدور عشقون جهانی

سالیبدی درده ملالون

غمیله پیر و جوانی

بهاریم سان_اقتداریم سان_اعتباریمسان_عشقِ حیدر

دیله محنت تیری ساچدون

یارالی عشق اوسته قاچدون

سینیخ پهلوئیله حیدر

اَلین غم وقتینده آچدون

بهاریم سان_اقتداریم سان_اعتباریمسان_عشقِ حیدر

شهامت لر کانی سن سن

حیانین دریاسی سن سن

آدون زهرادی اگر چه

وفانین معناسی سن سن

بهاریم سان_اقتداریم سان_اعتباریمسان_عشقِ حیدر

#هاتف_حضرتی
#فاطمیه
#حضرت_زهرا

آهنگ علیرضا اسفندیاری_سلام ای سلطان ابالفضل