Konstitusiya-baxtimiz qomusi

Jizzax viloyati Ekologiya boshqarmasida  8-dekabr -  O‘zbekiston Respublikasining Konstitusiyasi qabul qilinganligining 31 yilligiga  bag‘ishlangan seminar bo‘lib o‘tdi.

Jizzax viloyati Prokuraturasi  tashabbusi viloyat Ekologiya, atrof-muhitni muhofaza qilish va iqlim o‘zgarishi boshqarmasida  o‘tkazilgan seminarda  2023-yil 1-mayda yangi tahrirda qabul qilingan Bosh qonunimizning o‘ziga xos xususiyatlari, avvalgi Konstitusiyadan farqli tomonlari haqida so‘z yuritildi.

Seminarda ishtirok etgan viloyat Prokuraturasi bo‘lim katta prokurorlari B.To‘ychiyev va  A.Abdunabiyevlar so‘zga chiqishdi. Ta’kidlanganidek,  yangi tahrirdagi O‘zbekiston Respublikasi Konstitusiyasida belgilangan konstitusiyaviy normalarning ijrosini so‘zsiz ta’minlash barcha sohalarda “inson qadri”ning tom ma’noda yuksalishiga, davlat va jamiyat hayotini “inson – jamiyat – davlat” degan tizimga asoslangan yangi va zamonaviy tarzda boshqarish imkonini beradi. Shu boisdan, yangi tahrirdagi Konstitusiya ijrosini to‘liq ta’minlash barcha darajadagi davlat organlari va tashkilotlarining birinchi navbatdagi ustuvor vazifasidir. Shu maqsadda belgilangan chora-tadbirlar dasturiga ko‘ra, davlat fuqarolik xizmati hamda sud-huquq tizimi xodimlarining yangi konstitusiyaviy talablarga rioya etish borasidagi bilim va malakasini oshirish uchun dastur tashkil qilindi. Maqsad – boshqaruvda konstitusiyaviy normalarning ijrosini to‘liq ta’minlash, ularni davlat xizmatchisining har kunlik faoliyatiga tatbiq etish, pirovardida “inson qadri” tamoyili asosida xalqqa xizmat ko‘rsatishning sifat darajasini oshirishga erishishdir.

Shuningdek, seminarda so‘z olganlar Konstitusiyamizning asosiy prinsiplari, fuqarolarning asosiy huquqlari, erkinliklari va burchlari hamda jamiyat va shaxs masalalari yuzasidan  o‘z fikr va mulohazalarini bildirdilar.

Jizzax viloyati Ekologiya boshqarmasi matbuot xizmati