9113. Кишини ҳақдан оғдириб, ҳалокат ўринларига ташловчи энг улкан шаҳватлардан бири – мол-дунёга муҳаббат қўйиш фитнасидир. Қанчалаб солиҳ ва тақводор кишилар қалбини мол-дунёга топширгач, моли ҳам дини ҳам зое бўлгандир. Чунки у учун ёлғон гапиради, у учун бахиллик қилади, у учун бошқалар билан адоват қилади, у учун ҳақдан оғади ва таъқиқланган, ҳаром ишларга берилади.
Аллоҳ таоло Ўз Китобида қандай ҳам рост баён этган: “Ва билингки, молларингиз ва фарзандларингиз фитнадан ўзга нарса эмас...” Анфол сураси, 28-оят.

Муҳаммад Абдусаттор Абдусалом.

@arabicuz

Telegram | Instagram | Facebook | Twitter | Tiktok | Youtube

9114. Аввалгилар дейишарди: Тўрт киши борки, улардан ўзиб бўлмайди ва уларга етиб ҳам бўлмайди:
Фиқҳда Абу Ҳанифага, Наҳв фанида Халилга, китоб таълиф қилишда Жоҳизга, шеърда Абу Таммомга.

Имом Замаҳшарийнинг “Робиъул аброр ва нусусил ахёр” китобидан.

@arabicuz

Telegram | Instagram | Facebook | Twitter | Tiktok | Youtube

9115. Абу Юсуф тафсир, “мағозий” ва “айёмил араб”ни ёд оларди. Фиқҳ у ўрганаётган илмлардан бири эди холос.

Изоҳ: Имом Абу Юсуф - Яъқуб ибн Иброҳим ибн Ҳабиб ал-Ансорий бўлиб, Абу Ҳанифанинг атоқли шогирди, буюк фақиҳ ва мужтаҳиддир.

@arabicuz

Telegram | Instagram | Facebook | Twitter | Tiktok | Youtube

9116. Расулуллоҳ соллаллоҳу алайҳи ва саллам дедилар:
“Ризқни кечикишидан ноумид бўлманглар. Албатта, ҳеч бир банда токи охирги ризқи унга етмагунича ўлмайди. Аллоҳга тақво қилинглар ва уни гўзал тарзда талаб қилинглар”.

Имом Байҳақийнинг «Сунан ал-Кубро» китобидан.

@arabicuz

Telegram | Instagram | Facebook | Twitter | Tiktok | Youtube

9117. “Бас, икковларига суғориб берди. Сўнгра сояга қайтди ва «Эй Роббим, албатта, менга туширажагинг ҳар бир яхшиликка муҳтожман”, деди”. Қасас сураси, 24-оят.
Ибн Ошур роҳимаҳуллоҳ дедилар: “Ушбу (яъни, “менга туширажагинг ҳар бир яхшиликка муҳтожман”) жумласи ўзида шукр, ҳамду сано ва дуони жамлаган. Шунинг учун ҳам Аллоҳ Мусо алайҳиссаломни ушбунинг сабабидан хотин, маскан ва тирикчилик учун иш билан ризқлантирди”.

@arabicuz

Telegram | Instagram | Facebook | Twitter | Tiktok | Youtube

9118. Агар ўлимдан ваъзланиб, ибрат олиб, у ҳақда тааммул қилганларида эди, ҳаётни бунчалар беҳудага совурмас эдилар. Ва ҳатто охират зикр қилинса, Роббилари томонга шошилиб қочган бўлардилар.

Доктор Мустафо Маҳмуд.

@arabicuz

Telegram | Instagram | Facebook | Twitter | Tiktok | Youtube

9119. Ўқувчилик пайтимда иккинчи имтиҳондан муваффақиятга эришар эдим. Биринчи имтиҳондан йиқилар эдим. Санавийя (коллеж) босқичга етганимда, бир куни тарих ўқитувчим менга қараб: “Эй Абдулваҳҳоб, сен “Даҳосан!” деди.
Ўша кундан бошлаб мени ҳаётим ўзгарди. Аниқ билмайман, устозим менда ҳақиқаттан феълимда ўзгаришни, иқтидорни кашф қилдими ёки бу фақат қизиқтириш учун эдию, мен уни рост ўрнида қабул қилдимми, билмайман. Муҳими, натижа бўлдики, ўша мен эшитган биргина жумла ҳаётимни бутунлай ижобий тарафга ўзгариб юборди.

@arabicuz

Telegram | Instagram | Facebook | Twitter | Tiktok | Youtube

9120. Имом Шофеий дедилар: “Агар имом Моликнинг ҳузурларига баъзи ҳавои нафсига эргашган кимса баҳслашиш учун келса: "Мен динимда келган баййина, ҳужжат ила яшайман. Сен бўлсанг шак-шубҳа устидасан. Кет бу ердан, ўзингга ўхшаган шак устидаги кимсанинг олдига бориб хусуматлашгин”, дердилар.

“Сияру аъломин нубала” китобидан.

@arabicuz

Telegram | Instagram | Facebook | Twitter | Tiktok | Youtube

9121. Расулуллоҳ соллаллоҳу алайҳи васаллам дедилар:
«Дажжолнинг кўзи ойна каби яшилдир. Аллоҳ номи билан қабр азобидан паноҳ тилаймиз».

Ибн Ҳиббон ривояти.

@arabicuz

Telegram | Instagram | Facebook | Twitter | Tiktok | Youtube

9122. Имом Абдуллоҳ Ҳарарий раҳимаҳуллоҳ деди: “Тун ярмигача фойдасиз ишлар билан машғул бедор бўлишда бирон хайр йўқ ва у ёмон бидъатдир. Унга одатланган киши тунги таҳажжудни ва бомдодни аввалги вақтида адо этишни йўқотади.
Бу қандай ғафлат бўлди? Ахир улар ваҳшат, ёлғизлик ва қурт-қумурсқалар макони бўлган қабрга боришлари ҳақида тафаккур қилмайдиларми? Қабр қандай нурга тўлади? Қабр таҳажжуд намози билан нурга тўлади. Таҳажжуд ўқувчилар суннат амал устида бўлиб, вафот этганларида қабрлари мунаввар бўлгусидир. Охират хусусида огоҳ бўлган инсон бу вақтда телевизорга тикилиб ўтирмайди. Агар ушбу вақтда (ярим кечаси) тинглаш лозим бўлган муҳим бир нарса бўлса бошқа гап. Ундан бошқасини тарк этгани яхши”.

@arabicuz

Telegram | Instagram | Facebook | Twitter | Tiktok | Youtube

9123. Бу дунёда дўст биродарларни ҳожатларини чиқариш, уларга ёрдам беришдан ўзга лаззат қолмади.

Муҳаммад ибн Мункадир раҳимаҳуллоҳнинг “Адабу суҳба” китобидан.

@arabicuz

Telegram | Instagram | Facebook | Twitter | Tiktok | Youtube

9124. Барча тариқат аҳли бўлмиш саййидларимиз, Аллоҳ улардан рози бўлсин, ўз шогирдлари, муридларини Аллоҳнинг зикрни кўпайтиришга буюрадилар. Аллоҳ таоло Қуръони каримда зикрни кўп ўринларда эслатади, буюради. Бу барча мўминлар учун умумий бўлиб, фақат тариқат аҳли учунгина хос эмас. Агар мўмин Аллоҳ таолонинг зикрини кўпайтирар экан, қалби нурга тўлади ва барча ички, ботиний латоифлар ёришади. Шунингдек, иймон, тақво, ихлос ва Расулуллоҳ соллаллоҳу алайҳи васалламга эргашишнинг самараси ҳам қалбнинг нурга тўлишидир.
Демак, мўмин инсонга Аллоҳнинг динини маҳкам тутиш ва Расулуллоҳ соллаллоҳу алайҳи васалламга эргашиш, ибодатларда ихлос ва Аллоҳ зикрини кўпайтириши лозим бўлади. Бу бандалик мақоми бўлади. Бандалик мақомидан юқори мақом бўлмайди, илло пайғамбарлик, анбиёлар алайҳимуссаломлар мақоми бўлади.

Шайх Аҳмад Фатҳуллоҳ Жомий.

@arabicuz

Telegram | Instagram | Facebook | Twitter | Tiktok | Youtube

9125. Орифи биллоҳ, шайх Муҳаммад Саъид Бурҳоний раҳимаҳуллоҳ деди:
“Ўзимни гуноҳим аниқдир, буни биламан. Мендан бошқасини гуноҳи эса мен учун ноаниқ, гумонлидир. Шу сабаб, барча одамлар наздимда, мендан афзалдир”.

@arabicuz

Telegram | Instagram | Facebook | Twitter | Tiktok | Youtube

9126. Унутилган суннатлардан
Расулуллоҳ соллаллоҳу алайҳи васаллам дедилар: “Агар уйингдан чиқадиган бўлсанг, икки ракат намоз ўқиб олгин. Шунда у ёмон чиқиш ўрнидан тўсади, монелик қилади. Агар уйингга кирар бўлсанг, икки ракат намоз ўқиб олгин, сени ёмон киришдан тўсади”.

Имом Баззор ривояти.

@arabicuz

Telegram | Instagram | Facebook | Twitter | Tiktok | Youtube

9127. Бидъат зоҳир бўлган чоғда илм аҳли уни инкор қилиб қайтармас эканлар, у иш суннат каби тутиб олинади.

Имом Авзоийнинг “Шарафи асҳабил ҳадис” китобидан.

@arabicuz

Telegram | Instagram | Facebook | Twitter | Tiktok | Youtube

9128. Умавий ҳукмдорлардан Абдумалик ибн Марвоннинг вақтидаги тилла динорнинг кўриниши
Олд томонида, юқорида:”Бисмиллаҳир роҳманир роҳийм. Ушбу дийнор етмиш еттинчи санада зарб этилди”. Ўртасида: «Аллоҳу аҳад. Аллоҳус сомад. Лам ялид ва лам йуулад», ёзувлари ёзилган эди.
Иккинчи орқа томонида: «Бисмиллаҳ, лаа илааҳа иллаллоҳу, Муҳаммадур росулуллоҳ» ёзуви. Ўртасида халифа рамзини ифодаловчи сурат бор эди.

@arabicuz

Telegram | Instagram | Facebook | Twitter | Tiktok | Youtube

9129. Аллоҳнинг Каломида санаб адоғига етиб бўлмас руҳоний лаззатлар бордир. Робб таолонинг Каломидан кўра ширинроқ, тотлироқ калом йўқдир. Унда лаззат, унда адаб бор, унда бидъатга мухолиф суннатлар бор, унда нафс ҳаво муқобили бўлган шариат бор.
Масалан, киши кўчада кетиб бораётса, нафси унга “мана бу аёлга қарасангчи”, дейди. Бу шайтоннинг лаззати, нафси ҳавога эргашиш бўлади. Бу ўринда оламлар Роббининг Каломи: “Сен мўминларга айт, кўзларини тийсинлар..” олдинга чиқар экан, унда афзал бўлади. (Нур сураси, 30-оятдан)
Афсуски, Ислом шариатининг кўплаб яхшилик- маҳосинлари айрим инсонлар назарида ёмонлик- қабоҳат бўлиб туюлади.
Кимки суннатни ушласа нажот топибди ва шод бўлибди, Бас, Аллоҳ унга назар солади ва у ҳам Аллоҳга қалби ила боқади. У айтурки: Эй Роббим, бу менинг хорлигимдир, мен нуқсонлиман, мен фосидман, мен солиҳ эмасман.

Шайх Аҳмад Фатҳуллоҳ Жомий.

@arabicuz

Telegram | Instagram | Facebook | Twitter | Tiktok | Youtube

9130. Нафснинг Аллоҳга етишувидаги кўтарилиш босқичлари
1. Нафсул аммора- “Ёмонликка кўп ундовчи нафс”.
“Албатта, нафс, агар Роббим раҳм қилмаса, ёмонликка кўп ундовчидир.” (Юсуф сураси, 53-оят).
2. Нафсул лаввома- “Маломатчи нафс”.
“Ва маломатчи нафс билан қасам”. (Қиёмат сураси, 2-оят).
3. Нафсул мулҳима- “Илҳомлантирувчи нафс”.
4. Нафсул мутмаинна- “Хотиржам нафс”.
“Эй хотиржам нафс!” (Фажр сураси, 27-оят).
5. Нафсур розия- Рози бўлган нафс.
6. Нафсул марзия- Ундан рози бўлинган нафс.
“Роббингга сен Ундан, У сендан рози бўлган ҳолингда қайт!” (Фажр сураси, 28-оят).
7. Нафсул камила- Комил нафс.

@arabicuz

Telegram | Instagram | Facebook | Twitter | Tiktok | Youtube

9131. Ақиқа
Салмон ибн Омир аз-Зоббий розияллоҳу анҳудан ривоят қилинади:
«Расулуллоҳ соллаллоҳу алайҳи васаллам: «Ғулом ила ақийқа бордир. Бас, унинг учун қон чиқаринг ва ундаги нопокликни кетказинг», дедилар».

Имом Бухорий, Термизий ва Абу Довуд ривояти.

@arabicuz

Telegram | Instagram | Facebook | Twitter | Tiktok | Youtube

9132. Аллоҳ сизларни раҳм қилсин, шуни билингки, саййидимиз Расулуллоҳ соллаллоҳу алайҳи васалламга саловот айтишда ўнта каромат бордир. Улар:
1. Маликул Жаббор – Аллоҳнинг саловот айтиши.
2. Набиййул мухтор – Пайғамбаримизнинг шафоат қилишлари.
3. Малоикатул аброр – фаришталарга эргашиш борлиги.
4. Мунофиқ ва кофирларга мухолиф бўлиш, уларга зид келиш.
5. Хато ва гуноҳларнинг маҳв бўлиши, ювилиши.
6. Ҳожат ва эҳтиёжларни раво бўлиши.
7. Зоҳирий ҳолат ва сиру асрорларни нурланиб, ёришиши.
8. Жаҳаннамдан нажот топиш.
9. Роҳат ва қарор топиш ҳовлиси – жаннатга кириш.
10. Моликул Ғаффор зот – Аллоҳнинг саломига мушарраф бўлиш бор эканидир.

Ибн Жавзий раҳимаҳуллоҳнинг “Бўстонул воизийн” асаридан.

@arabicuz

Telegram | Instagram | Facebook | Twitter | Tiktok | Youtube