ساوالان هشتاد یاشیندا!
مرتضی مجدفر

باشلانیش ۱۳۷۹-نجی ایلین آبان آیی‌نین ۲۴-ونده، تهرانداکی بهمن مدنیت ائوینده، ساوالان ایمضاسی ایله ائلیمیزین ایچینده اؤزونه آد و سان قازانان، ائل شاعیری، حسن مجیدزاده‌نین آلتمیش ایللیک تؤره‌نی قورولموشدور. مجیدزاده ۱۳۱۹ -نجی گونش ایلی‌نین مهر آییندا، اردبیلین یاخینلیغیندا دوشن «نیر» بؤلگه‌سینده دونیا گؤز آچمیشدیر، ائله اونون آلتمیش ایللییی، تاریخی جهتدن دوز ایدی. آنجاق بو یازینی اونون…

https://ishiq.net/?p=29945

☀@ishiqnet

«سیفی» عائله‌سینه باش ساغلیغی
تاسفله، حؤرمتلی یازیچی و «صابر انجومنی»نین اداره هئیتی عضوی جناب «قنبر سیفی» عزیز آتاسی‌نین ایتگیسینده ماتملی‌دیر. ایشیق سایتی امکداشلاری آدیندان حؤرمتلی یازیچیمیز و عزیز دوستوموز جناب سیفی‌یه و حؤرمتلی عائله‌لرینه، قوهوم-اقرباسینا باش ساغلیغی وئریر و مرحومون خاطیره‌سینی عزیزله‌ییریک.
ایشیق – آذربایجان ادبیات و اینجه صنعت سایتی
28/08/1400

ایکی شعر
کریم قربانزاده

(۱) یاشامدا سئودیم ده، سئویلدیم ده ائویم ده اولدو جوجوغوم دا یاخشی ال تلفونوم دا شاعیر ده اولدوم شعیر ده دوغدوم اولدوز دا منیم اولدو آی دا یالنیز بوردا گونش دوغمادی بو وطن منه وطن اولمادی. (۲) کوچه لرده قالان اوشاقلیق کیمی‌یم نه ایتیرم نه بیتیرم یالنیز سنین یولونو گوزله‌ییرم گونش چیرتلایاندان اولدوز آخانا کیمی.

https://ishiq.net/?p=29973

☀@ishiqnet

بیر پارچا اولدوز
هادی قاراچای

سنسیزلیگی پوزا بیلن بیر سس آختاردیم یالنیزلیغی پوزا بیلن بیر دوست آرادیم دونیا سس‌سیز ایدی کندی قینیندا اویوموش. و چؤل‌لرین اورتاسیندا قبیر قازیردیلار بیر- بیرینه انسان‌لار. آخ، تانریم منیم کؤلگم داغلارا دوشر دنیزلری اؤرتر، مصراعلاریم اود پارچاسی شعرلریمی گونشه یازار و هر بیتمیش شعریم دمیرچی کوره‌سیندن ایستی قاراچی چؤره‌ییندن دادلی اولاردی تاپاردیمسا تاپاردیمسا آختاردیغیم ال‌لری.…

https://ishiq.net/?p=29976

☀@ishiqnet

اوستاد «علی فرشباف» ۷۰ یاشیندا؛ تبریک ائدیریک
ایشیق

گؤرکملی آذربایجان صنعتکاری، ویولونیست و کامانچا اوستاسی علی فرشباف ۷۰ یاشینا دولدو. ۱۳۳۰نجی ایل تبریز شهرینده دونیایا گؤز آچمیش و یئنی یئتمه‌لیگیندن موسیقی صنعتیله مشغول اولان صنعتکار، ایران آذربایجانی موسیقی صنعتی‌نین انکشافیندا قویدوغو دانیلماز مثبت تاثیرلری اعتباریله، چوخ تقدیره لاییق و شرفلی بیر صنعت فداییسی‌دیر. عالی تحصیلاتینی «هنرستان موسیقی تبریز»ده باشا ووران اوستادین بسته‌له‌دیگی «گئجه‌دیر»(صمد…

https://ishiq.net/?p=29979

☀@ishiqnet

بیزیم شاعر
ناصر داوران

شاعر ده وار «ناظم»ین گؤزون چیخاریر «ریتسوس»ون دفترینه گولور سؤزلو سؤزدن آجیغی گلیر دئمک اولار. الینده قلم سانجی دا چکیر دوغور دا ائولادی‌نین آنجاق اوره‌یی یوخ گؤزو یوخ. گونشی دانیشان سؤزجوک‌لری بوغازیندان آسماسا سکوتون محضرینده دینجلمز. آیاغینا تیکان باتمامالی‌دیر اؤزو ده کؤکوندن باشینا دسمال باغلاماز. قیش دولوب گؤزونه هورور قایغی‌کئش‌لییه منی گؤرنده دایناسور یادینا دوشور.…

https://ishiq.net/?p=29994

☀@ishiqnet

چؤره‌ک قاچیر، بیز قاچیریق
حسن ریاضی (ایلدیریم)

دینگ … دانگ دینگ … دانگ اویان! اویان! اویانیریق یوخولاردان؛ قارانلیقدیر او یان، بو یان. چیق … چیق چیق … چیق یوخو یاریمچیق، گئجه یاریمچیق یولا چیخ! یولا چیخ! قارین یاریمچیق، تیکه یاریمچیق! آت قاچ! آت قاچ! چؤره‌ک قاچدی سن ده قاچ! چؤره‌ک قاچدی سن ده قاچ! قاچیریق قاچیریق چؤره‌ک آتلی، بیز پیادا چؤره‌ک آتلی،…

https://ishiq.net/?p=29998

☀@ishiqnet

عزیز و حؤرمتلی دوست و شاعر جناب یعقوب نامی
آتانیزین ایتگیسینی سیزه و حؤرمتلی عائله عضولرینه تسلیت دئییر و عزیز آتانیزین خاطره‌سینی عزیزله‌ییریک. باشینیز ساغ اولسون.
ایشیق - آذربایجان ادبیات و اینجه‌صنعت سایتی‌نین امکداشلاری

دونه‌نیم، بوگونوم، صاباحیم منیم
بالاش آذراوغلو

باشی «سهند» چالمالی اته‌یی «آجی‌چای»‌لی قورئیی قار عطیرلی گونئیی چوبان هارایلی یایی فیروزه کؤینکلی قیشی بولود اؤرپکلی یازی لیسان یاغیشلی پاییزی آی یاناقلی اولدوز باخیشلی سینه‌سی آینا گوللو بولاق زمزمه‌لی دوپ دورو کهریزیم منیم، تبریزیم منیم! بیر زامان قالا دیواری تک کرپیج- کرپیج هؤرولن سونرا کوچه- کوچه محله- محله بؤلونن «باغمئشه»، «حسنو»لو «قاراغاج» تراوتلی «امیرخیز»…

https://ishiq.net/?p=30001

☀@ishiqnet

تبریزیمه مکتوب
حبیب فرشباف

منیم عزیزیم! عزیز تبریزیم! سنه سئوگیلیم دئدیم؛ خاطیرلاندی گؤزلریمده گؤزللیک‌لرین. زیروه‌سی قارلی، قارتاللی «سهند»ین؛ دره‌لری یووشانلی، یئمیشانلی «دند»ین؛ یاپراق‌لاری شفق ساچان، اسن مئه‌له پیچیلداشان، اوجا-اوجا قلمه‌لرین؛ داها نه‌لرین، داها نه‌لرین. سنه قهرمانیم دئینده «سردار»ین، «بابک»ین، سایا گلمز ایگیت‌لرین جانلانیر گؤز اؤنونده؛ آنجاق، سنه آنام دئینده شیرین- شیرین دیل‌لرین، قات با قات نیسگیل‌لرین- خاطیرلانیب، کؤورلدیر منی.…

https://ishiq.net/?p=30003

☀@ishiqnet

دیلیمی قایتارین منه
هاشم ترلان

غربت ائلده غریبسه‌دیم ائلیمی قایتارین منه! دره‌لریم کؤز باغلاییب سئلیمی قایتارین منه! آختاریرام حزین- حزین ایتیردیگیم گولون ایزین دونیادا هر نه وار سیزین گولومو قایتارین منه! دیل دئییرم… منی آنمیر سسله‌ییرم، او دایانمیر نوه‌لریم منی قانمیر دیلیمی قایتارین منه! یاخ اورمودان گؤی خزره اوخشار سنی هر منظره بو آذردن او آذره ایلیمی قایتارین منه! آذری‌یم…

https://ishiq.net/?p=30006

☀@ishiqnet

خزان‌لار
حبیب ساهر

خزان چاغی قیزیل گونش اودلانیبدیر، آغاجلارین یارپاقلاری مین بیر رنگه بویانیبدیر… هر یارپاغین بیر رنگی وار، سئودا رنگی، حسرت رنگی، توتقون، توزلو، غربت رنگی… خزان چاغی، یئل اسرکن یاغیر یارپاق، اؤلگون یارپاق. قالانیبدیر، قالاق-قالاق. یوللار اوزاق، گؤللر درین، نسیم اَسیر سرین-سرین. داغلار بیزیم، باغلار بیزیم، یئرییرکن یارپاق اوسته قالماز ایزین… گون یاندیرماز، سون باهاردیر، سانکی…

https://ishiq.net/?p=30008

☀@ishiqnet

بطنیمین گودوکچولری
رقیه کبیری
سسلندیرن: نیره اردلانی

https://ishiq.net/?p=22526

☀@ishiqnet

بیرکره ده دؤنسن اگر
ع. ن. چاپار

بو تورپاغا بیرکره ده دؤنسن اگر قورتولوشو گتیر بیزه، سئوینج پایلا قلبیمیزه! آزاد داوران آزادجا دؤن آزاد گؤرون! بو تورپاغا بیرکره ده دؤنسن اگر باجارسانسا، دونیا دولو اوچار قوش‌لار قانادینی -تحفه – دئیه پایلا بوتون ماویلییه! سؤیله او دور قارا دوشموش او بوجاغا، آپاریرام او تورپاغا. بو تورپاغین قارا یانغین دوداقلاری سوسوز، چاتلاق؛ سودان آرتیق…

https://ishiq.net/?p=30031

☀@ishiqnet

تورپاق اوگئی اولماز 
ائلدار موغانلی

داغلاری قینامیرام، قینامیرام داغ‌لاری. قینامیرام سرتلیک‌لرینی، تورانلی آخشامینی، چیسگینلی سحرینی. قینامیرام سینه‌سینده‌کی زیگیللی جیدیرلارینی، قینامیرام دؤشونده‌کی نوازشه حسرت قیز قارینی. داغلاری قینامیرام سرتلییی ائله همان؛ نه آخشامی ده‌ییشیب، ‌نه سحری، تورانلیغی همان، دومانلیغی همان. قیناسام، ‌نانکور اولارام؛ اؤزومدن اولارام، گؤزومدن اولارام؛ قیناسام، باخار‌کور اولارام. جیدیرلاریندا بیتن زیگیل‌لر سنین و منیم. اوتاندیغیندان اریین قیز قاری سئویله‌نیم،…

https://ishiq.net/?p=30034

☀@ishiqnet

کئچیب گئده‌ر بو دا
اسماعیل خرمی

اوستومه اوچان- اوزون بوی، دلی بیر بینادان یوخ، قارا بولودلارین الیندن یاپیشیب- ائومیزه سوخان بننادان قورخار اوزاقلارا نیشانلانان گؤزلریم. درین بیر یارادان دئییل، اومودسوز بیر گونون- قارانلیق رویاسیندان سیزلایار جانیم. اوره‌ییم دؤیونورسه قول – قانادیمین سینماغی نئیلر، نئیلر منه؟! گؤی اوزونون- قانادسیزلیغی سیندیرار اوره‌ییمین قول- قانادلارینی. اوره‌یی داش‌لار- داش – قالاق ائدرلر زنا‌کار ساندیقلاری گؤز…

https://ishiq.net/?p=30036

☀@ishiqnet

افسانه‌های لیتوانی منتشر شد
ایشیق

  کتاب «ملکه خورشید و ناجی‌اش» حاوی داستانهای عامیانه لیتوانی با ترجمه همکارمان خانم روح‌انگیز پورناصح از سوی انتشارات «ناس» تبریز در ۴۰ صفحه مصور برای کودکان و نوجوانان منتشر شد. این افسانه‌ها از مجموعه داستانهای روسی قرن بیستم هست که توسط «آلدونا لیوبایت» و «جورگیس دویدایتیس» از زبان روسی به انگلیسی ترجمه شده و…

https://ishiq.net/?p=30040

☀@ishiqnet

شوریده سر!(خاطره)
ابوالفضل جمالی

بدو گفت ؛ شیدای شوریده سر جوابی که باید نوشتن به زر ! (سعدی) پاییز سال ۱۳۵۶ بود. دانشجوی سال اول تربیت معلم دانشسرای عالی تبریز بودم. در آن سالها، دانشجویان علاوه بر حضور در کلاسهای اختصاصی و اجباری، هفته‌ای یک جلسه در کلاس اختیاری فوق برنامه هم حاضر می شدند. ما، ۲۰ نفر دانشجو…

https://ishiq.net/?p=30038

☀@ishiqnet

شاعر «علی جوادپور» عائله‌سینه باش ساغلیغی
ایشیق

چوخ تاسفله آذربایجانین تانینمیش شاعری جناب «علی جوادپور» اؤز عزیز آتاسینی الدن وئرمیشدیر. ایشیق سایتی امکداشلاری آدیندان بو ایتگینی شاعر دوستوموز علی جوادپورا و حؤرمتلی عائله‌لرینه باش ساغلیغی وئریر و عزیز آتاسی‌نین خاطره‌سینی عزیزله‌ییریک. ایشیق – آذربایجان ادبیات و اینجه‌صنعت سایتی ۲۳ آذر ۱۴۰۰

https://ishiq.net/?p=30063

☀@ishiqnet

داریخما خانیم…
سحر خیاوی

(بوتون عؤمرونون پاییزیندا اولان خانیملارا سونولور) قادین اوتورموشدو آینا اؤنونده اؤزوندن گئتمیشدی، اؤزونده دالغین کئچمیش خاطیره‌لر کئچیر اؤنوندن مات قالیب اؤزونه، اوزونده دالغین ال چکیب اوزونون جیزگی‌لرینه آه چکیب ایچیندن شیون قوپاردی خیالی بیر لحظه، بیر آن ایچینده گلین‌لیک، گنج‌لیک چاغا آپاردی کرمله گیزلتدی جیزگی‌لرینی دوداغا نار رنگی ماتیکی یاخدی گؤزونون آلتینا چکیب میدادی بیرآزجا…

https://ishiq.net/?p=30067

☀@ishiqnet