На Грушаўцы затрымалі каля шасці чалавек. Сярод іх і хлопцы, і дзяўчаты, паведамляе @onlinerby.

"Глядзі ў акно, а не ў тэлевізар" — раіць Чыжоўка.

Пад грукат барабанаў ідзе Паўднёвы Захад.

Шарыкі выйшлі на марш.

Яшчэ адно відэа затрыманняў на Грушаўцы. У канцы роліка можна ацаніць рэакцыю мясцовых жанчын на з'яўленне ў раёне сілавікоў.

Жыхары Лошыцы сёння ўзялі на марш і чырвона-зялёныя сцягі.

Жыхароў Сокала суправаджае Дзед Мароз, яго вітаюць дзеткі.

Уручча скандуе "Жыве Беларусь!"

Жыхары Лебядзінага запусцілі ў неба сцяг на бел-чырвона-белых паветраных шарыках. Прыгажосць!

Брылевічы сёння аб'ядналіся разам з Малінаўкай.

Вольга Хіжынкова кажа, ці збіраецца з'язджаць з краіны.

Паглядзіце, якая даўжэзная калона ішла сёння Серабранкай.

Сілавікі вядуць у бус хлопца, які стаяў каля выхаду з метро "Пушкінская", дзе знаходзіцца мемарыял Аляксандру Тарайкоўскаму. Відавочца сцвярджае, што малады чалавек проста стаяў.

Кропкавыя затрыманні таксама былі на Партызанскай і на вуліцы Чыгуначнай.