Калі вы не ведаеце, што пазітыўнага паглядзець гэтым вечарам, то літаральна праз 10 хвілін пачнецца сатырычны live з праектам "Арыстакратычная бледнасць"

Вось анонс:
"Прывітанне, жэўжыкі! Вас вітаюць дзве дзеўкі-прыпеўкі з лёгкай кансерваторскай кантузіяй. Арыстакратычна і бледна лупім трасяначкай навіны нашай любімай Беларусі ў фармаце "ранкам у газеце — увечары ў куплеце".

Глядзіце тут: https://youtu.be/ejzNP9D2QJQ

Лукашэнка ўзнагародзіў Наталлю Качанаву ордэнам Айчыны III ступені

«За плённую дзяржаўную і грамадскую дзейнасць, значны асабісты ўклад у развіццё заканадаўства, парламентарызму і міжпарламенцкай супрацы».

Дзмітрый Шакута пасля доўгага перапынку з'явіўся на публіцы

Сёння ён згуляў у хакей за аматарскі клуб «Бастыён-2». Шакута пад сёмым нумарам.

Апошні раз да гэтага кікбаксёр выходзіў на лёд на наступны дзень пасля смерці Рамана Бандарэнкі.

Медык Арцём Сарокін прызнаны палітычным зняволеным. Ён быў затрыманы разам з журналісткай Кацярынай Барысевіч за разгалошванне інфармацыі пра стан Рамана Бандарэнкі.

Гэта інфармацыя абвяргала заявы афіцыйных асоб аб тым, што Раман Бандарэнка быў нібыта п'яны ў момант збіцця. Пры гэтым блізкія сваякі Бандарэнкі не лічаць сябе пацярпелымі з-за іх апублікавання і пацвярджаюць іх сапраўднасць.

36-гадовая кладаўшчыца з Навагрудка скончыла жыццё самагубствам праз нястачу — хоць і была невінаватая.

А некалькі тон парашковай фарбы зніклі праз парушэнне тэхпрацэсаў.

https://nn.by/?c=ar&i=265526

Кіраўнік БТ Іван Эйсмант абураны тым, што трапіў пад санкцыі Еўрасаюза.

«Гэта парушэнне асновапалагаючых правоў — забараняць людзям перасоўвацца туды, куды яны хочуць. Асабліва за журналісцкую пазіцыю. Ці перажываю? Не, барані Божа»

У МУС пракаментавалі відэа з кадрамі жорсткага абыходжання з затрыманымі ў Фрунзенскім РУУС.

«Па гэтым пытанні, што быў відэазапіс, дзе супрацоўнікі міліцыі Фрунзенскага РУУС абыходзяцца з затрыманымі не вельмі добра, праводзіцца праверка. Міністрам задача пастаўленая. Па выніках праверкі будуць зробленыя пэўныя высновы», — сказаў першы намеснік міністра ўнутраных спраў Юрый Назаранка падчас прамой тэлефоннай лініі, піша Tut.by.

Праваабаронцы сабралі сведчанні пра бесчалавечнае збіццё і катаванні ў РУУСах і турмах больш як 1000 чалавек. Сведчаць не ўсе, бо баяцца новых рэпрэсій.

У Лебядзіны дзіцячую імпрэзу сарвалі сілавікі ў балаклавах, якія заехалі проста ў двор.

Руслан Бадамшын працуе неўролагам у РНПЦ неўралогіі і нейрахірургіі. Пасля выбараў яго затрымлівалі тройчы. У ізалятарах ён правёў 32 дні. Ці думаў калісьці доктар, які працаваў у медроце Печаў і мае званне капітана, што будзе сядзець на Акрэсціна?

«Наша Ніва» запісала яго гісторыю.

https://nn.by/?c=ar&i=265514