Bugun :
anonymous poll

#BoburDay – 35
👍👍👍👍👍👍👍 80%

#ValentineDay – 9
👍👍 20%

👥 44 people voted so far.

Jonimdin o’zga yori vafodor topmadim,
Ko’nglumdin o’zga mahrami asror topmadim.

Jonimdin o’zga jonni dilafkor ko’rmadim,
Ko’nglum kibi ko’ngulni giriftor topmadim.

Usruk ko’ziga toki ko’ngul bo’ldi mubtalo,
Hargiz bu telbani yana hushyor topmadim.

Nochor furqati bila xo’y etmisham, netay,
Chun vaslig’a o’zumni sazovor topmadim.

Bore boray eshigiga bu navbat, ey ko’ngul,
Nechaki borib eshigiga bor topmadim.

Bobur, o’zungni o’rgatako’r yorsizki, men
Istab jahonni muncha qilib yor topmadim.

#BoburDay @sheriyatuz

Kim ko’rubtur, ey ko’ngul, ahli jahondin yaxshilig’,
Kimki ondin yaxshi yo’q, ko’z tutma ondin yaxshilig’.

Bu zamonni naf’i qilsam ayb qilma, ey rafiq,
Ko’rmadim hargiz, netayin, bu zamondin yaxshilig’.

Dilrabolardin yomonliq keldi mahzun ko’ngluma,
Kelmadi jonimg’a hech oromi jondin yaxshilig’.

Ey ko’ngul, chun yaxshidin ko’rdung yomonlig’ asru ko’p,
Emdi ko’z tutmoq ne ya’ni har yomondin yaxshilig’.

Bori elga yaxhshilig’ qilg’ilki, mundin yaxshi yo’q
Kim, degaylar dahr aro qoldi falondin yaxshilig’.

Yaxshilig’ ahli jahonda istama Bobur kibi,
Kim ko’rubtur, ey ko’ngul, ahli jahondin yaxshilig’.

#BoburDay @sheriyatuz

Sening ishqingda, ey nomehribon, bexonumon bo’ldim,
Deman bexonumon ovvorayi ikki jahon bo’ldum.

Labing gar bermasa bo’sa nechuk jon elta olg’aymen,
Bu yo’ldakim, adam sahrosig’a emdi ravon bo’ldum.

So’rub ul oy labidin og’zining ramzini angladim,
Bir og’iz so’z bila ko’rungki muncha xo’rdadon bo’ldum.

Nechakim qoshi yolar ishqida tuzlukni ko’rsattim,
Vale oxir malomat o’qlarig’a-o’q nishon bo’ldum.

Kular erdim burun Farhodi miskin dostonig’a,
Bu Shirindurki oning birla-o’q hamdoston bo’ldum.

Visoling davlatig’a yetmasam Bobur kibi, ne tong,
Ki hajring mehnatida asru zoru notavon bo’ldum.

#BoburDay @sheriyatuz

Yana ko’z uyida ma’vo qilibsen,
Ko’ngul koshonasida jo qilibsen.

Yana savdoyi zulfingdin, nigoro,
Meni oshuftavu shaydo qilibsen.

G’aming yo’q jon agar bersam g’amingda,
O’zungni muncha beparvo qilibsen.

Qoshingdin meni o’qdek tashlar uchun
Yangi oydek qoshingni yo qilibsen.

Ko’zumdin yoshurib, ey bahri altof,
Ko’zumning yoshini daryo qilibsen.

Sog’inmas jannatu-l-ma’voni Bobur,
Oning ko’nglida to ma’vo qilibsen.

#BoburDay @sheriyatuz

Tishing dur, labing marjon, xading gul, xating rayhon,
Yuzung xur, soching anbar, so’zung mul, menging meynon.
Meynon menging, so’zing mul, anbar soching, yuzung xur,
Rayhon xating, xading gul, marjon labing, tishing dur.

Tafohur ko’zum, ko’nglum qilurlar magar bordur,
Ko’zunga ko’ngul vola, yuzunga ko’zum hayron.
Hayron ko’zum yuzunga, vola ko’ngul ko’zunga,
Bordur magar, qilurlar ko’nglum, ko’zum tafohur.

Tafakkur necha qilsam topilmas sening misling,
Pariydek seni ko’rdum emassen magan inson.
Inson magar emassen, ko’rdum seni pariydek,
Misling sening topilmas qilsam necha tafakkur.

Balodur manga hajring, davodur manga vasling,
Itobing manga ofat, hadising manga darmon.
Darmon manga hadising, ofat manga itobing,
Vasling manda davodur, hajring manga balodur.

Chu Bobur sanga quldur nazar qil anga zinhor,
Topilmas yana bir qul aningdek sanga, ey jon.
Ey jon sanga aningdek, bir qul yana topilmas,
Zinhor anga nazar qil, quldur sanga chu Bobur.

#BoburDay @sheriyatuz

ESIMDA

Esimda hamma-hammasi:
Ko‘zlar. Barmoqlar. Gul. Atir...
Siz ham unutmagansiz,
Maktublaringiz yo‘ldadir.

Balki ertaga olarman,
Mayliga, bitta so‘z, bir satr.
Eng muhimi, men bilaman –
Maktublaringiz yo‘ldadir.

Umrim shamollarga kulgu,
Sargashta ayladi taqdir.
Adashib-adashib kelar-ku,
Maktublaringiz yo‘ldadir.

Hayotim o‘zgarar batamom,
Ko‘nglim ko‘zadek to‘ladir.
Sarhush yashaydirman hamon –
Maktublaringiz yo‘ldadir.

O‘n yil o‘tibdi. O‘n yil...
Bu menga yagona daldadir.
Har tong bir orziqib olar dil –
Maktublaringiz yo‘ldadir.

Сиз минг машаққат билан чиққан чўққида капалак ҳам бор.
Қумурсқа ҳам яшайди. Сизнинг бу ютуғингиз улар учун оддий
бир турмуш ташвиши. Улар кунда-шунда.
Мен ҳидлаб тўймаган бедани бия қарсиллатиб чайнайди.
Ялпизни сув оқизиб кетади. Мен кўзимга суртган сувда қурбақа
чўмилади.
(с)
Муҳаммад Юсуф.

Кошинг кора кузларинг кора
Юлдузисан кайси осмонни
Эслолмасанг узим эслатай
Боласисан Узбекистонни
Качон келдинг бу ерга узи
Не максадда дайдиб юрибсан
Анчагина улгайибсанку
Корайибсан озиб тузибсан
Жилгаларсиз дарё курийди
Сен дарёни куйма унутиб
Юр барини эслаймиз бирга
Айлантирай кулингдан тутиб
Ёдингдами бешигинг углим
Ундан хали хидинг кетмаган
Махаллангни йулига кара
Босиб утган изинг кетмаган
Ана онанг тандир ёнида
Ёпаяпти сен учун кулча
Этагидан ажрамасдингку
Согинтирдинг сен уни бунча
Аканг билан учирган варрак
Бок! Осмондан тушолмаяпти
Опанг сени согиниб йиглаб
Тишлаганин ютолмаяпти
Охирги бор качон эшитдинг
Туйлардаги ёр ёр ни уйла
Бор хаёлан дустларинг билан
Уртага туш кул ёзиб уйна
Хайит байрамини согиниб
Окиздинг куп кузинг ёшини
Сенга асраб чарчади Ватан
Арафани ширин ошини
Кара.... Уша таниш чойхона
Чойлашиб гашт килар кексалар
Курдинг... Отанг кулолмаяпти
Йулга караб сени ахтарар
Амманг холанг амакинг тоганг
Таркатяпти сумалакларни
Нахот согинмадинг багритош
Навруздаги камалакларни
Кара бувинг кандай букилиб
Ушокдайин булиб карибди
Бир куришга улгирмикансан
Хасталаниб ётиб колибди
Болам дейсан тилингда минг бор
Кулингда даст кутаролмайсан
Кечирса хам бир кун аёлинг
Сен узингни кечиролмайсан
Мусофирни кабри булмайди
Мусофирни кадри булмайди
Мусофирни мусофирликдан
Утадиган дарди булмайди
Тиш кайрама ёмон дема хеч
Сени катта килган Ватанни
Ким дейдилар эшигин бузиб
Бешигини тепган одамни
Яшнамайди новда илдизсиз
Томиринг сув ичган ерга бор
Отанг курган йулларни яшнат
Уй ёнига яна бир уй сол
Яхшилик кил яхши гап гапир
Кулдан берма шундай имконни
Сен хеч кимдан кам эмассан бил
Боласисан Узбекистонни

Рислигой Хотамова

Shoirni sevmasin qizlarga ayting,
Unda na qo'nim bor,na bir davlati.
Alpdekkina degan fikrdan qayting,
She'rlarida faqat uning savlati.
Shoirni sevmasin qizlarga ayting,
Ko'zida mung,qarab turaveradi.
Unutib qo'yadi butun borliqni,
Xayolni erkalab yuraveradi.
Shoirni sevmasin qizlarga ayting,
Gullar terolmaydi,so'z terar to'kib.
Shoirni borligin bilmay qolasiz.
U bilan yashaysiz,yolg'iz,zerikib.
Shoirni sevmasin qizlarga ayting,
Jaxlingiz qayraydi ming'ir-ming'iri.
Sizga termulishku esiga kelmas,
Ko'ylakning gulida ko'zining qiri.
Shoirni sevmasin qizlarga ayting,
Ko'rmayin samimiy deya biladi.
Aslida ko'nglini yeb bitirgan-u.
Alqissa ichidan pishgan bo'ladi.
Shoirni sevmasin qizlarga ayting,
Ichi kuyib ketgan qora bo'ladi.
Bir umr baxtini topa olmaydi.
U bilan yuragi pora bo'ladi.

Rislig`oy Hotamova