Алег Гайдукевіч, які сёння арганізаваў "луцінг" ля амбасады Латвіі ў Беларусі, баніць у Facebook тых, хто нагадвае яму пра закон "Аб масавых мерапрыемствах". Папраўкі ў які сам жа і прымаў нядаўна як дэпутат Палаты прадстаўнікоў.

А вядзецца цяпер у законе пра наступнае:

📌 Все массовые мероприятия должны проводиться исключительно на основании разрешения местных органов.
📌 Закрепляется ответственность политических партий и общественных объединений за публичные призывы своих руководителей и членов руководящих органов к организации и проведению массового мероприятия до получения разрешения на его проведение.

У посце Гайдукевіча і заклік відавочны, і час і месца мерапрыемства паведамляецца, а атрымаць дазвол на акцыю за пару гадзінаў наўрад ці магчыма. Цяпер у Беларусі не да законаў нават тым, хто гэтыя законы прымае.

МЗС Расіі заявіў, што Беларусь падняла ў паветра знішчальнік для суправаджэння рэйса Ryanair у тым ліку праз тое, што самалёт пралятаў паблізу ад БелАЭС.

“Действия белорусских авиационных властей соответствовали международным нормам. Истребитель ВВС Белоруси был поднят в воздух для осуществления контроля и оказания помощи при посадке в случае необходимости, особенно с учетом нахождения поблизости Белорусской АЭС”, — цытуе заяву расійскага ведамства @rbc_news.

Ну вы зразумелі: калі б “тэрарысты” накіравалі захоплены самалёт ў АЭС, то ад сутыкнення там бы адбылося “планавае адключэнне першага энергаблоку”.

Адвакатам Рамана Пратасевіча стала Інэса Аленская, якая прадстаўляла інтарэсы сям'і Рамана Бандарэнкі. Як піша @kyky_org, яна яшчэ не бачылася з падабаронным і пакуль не ведае, ці сапраўды ён цяпер знаходзіцца ў крытычным стане.

Раней маці Пратасевіча паведаміла @malanka пра тое, што яе сын "знайшоўся" ў адной з мінскіх бальніц. Яго стан нібыта крытычны праз праблемы з сэрцам. Пра гэта ёй распавялі "добразычліўцы".

Да снежня 2019 года Раман Пратасевіч працаваў на @euroradio. Ён часта скардзіўся калегам, што ў яго баліць сэрца.

Новыя санкцыі ЕС супраць Беларусі могуць закрануць бізнес, эканоміку і авіяцыю. Пра гэта заявіла кіраўніца Еўракамісіі Урсула фон дэр Ляен.

Акрамя таго, ЕС вырашыў замарозіць інвестыцыйную дапамогу для Беларусі ў памеры 3 млрд еўра.

Пачалося!

Белы дом пракаментаваў сітуацыю вакол самалёта Ryanair. Асноўнае:

— "Гэта шакуючы факт перахопу рэйса паміж дзвюма краінамі ЕС з відавочнай мэтай затрымаць журналіста. Гэта ўяўляе сабой нахабную абразу міжнароднай свабоды, міру і бяспекі з боку рэжыму";

— адміністрацыя Джо Байдэна звязвалася з партнёрамі ў рэгіёне, а таксама з НАТА, Еўрапейскім саюзам і ААН, каб абмеркаваць магчымыя наступныя крокі;

— дарадца прэзідэнта ЗША па нацыянальнай бяспецыі Джэйк Саліван абмяркоўваў сітуацыю ў размове з расійскім калегам.

Швецыя і Нідэрланды заклікалі свае нацыянальныя авіякампаніі адмовіцца ад палётаў над Беларуссю.

Раней пра намер спыніць палёты над нашай краінай заявілі Літва і Украіна. Вялікабрытанія забараніла авіакампаніі "Белавія" і беларускім чартарам лётаць над сваёй тэрыторыяй.

А вось спіс авіякампаній, якія ўжо не лётаюць над Беларуссю:

— скандынаўская SAS
— кіпрская Avia Solutions
— польская LOT
— венгерская Wizzair
— латвійская airBaltic

Прэс-служба МУС сцвярджае, што інфармацыя пра знаходжанне Рамана Пратасевіча ў лякарні — фэйк. Ён нібыта змешчаны ў СІЗА №1 на Валадарцы, і "скаргаў на стан здароўя ў адміністрацыю ўстановы ад яго не паступала”.

Вядома, такія заявы глядзеліся б больш пераканаўча, калі б былі падмацаваныя фатаграфіямі ці відэа. Але іх у прэс-службы МУС няма.

Раней маці Пратасевіча распавядала, што яе сын "знайшоўся" ў адной з мінскіх бальніц. Яго стан нібыта крытычны праз праблемы з сэрцам — так ёй паведамілі "добразычліўцы" з медычных колаў.

Генсек ААН заклікаў вызваліць Рамана Пратасевіча.

https://euroradio.pl/gensek-aan-zaklikau-vyzvalic-ramana-pratasevicha

ХАМАС адмаўляе датычнасць да "мініравання" самалёта Ryanair, які быў пасаджаны ў Мінску. Reuters цытуе спікера руху Фаўзі Бархума:

“Это совсем не наши методы. Какие-то подозрительные стороны делают это, чтобы демонизировать ХАМАС и помешать мировым симпатиям к палестинскому народу и его законному сопротивлению”.

Нямецкая авіякампанія Lufthansa абвясціла аб прыпыненні палётаў у паветранай прасторы Беларусі.

Раней ад палётаў над нашай краінай адмовіліся скандынаўская SAS, кіпрская Avia Solutions, польская LOT, венгерская Wizzair і латвійская airBaltic.

Праўладныя тэлеграм-каналы апублікавалі зварот Рамана Пратасевіча. Ён кажа, што ніякіх праблем са здароўем у яго няма, ён знаходзіцца ў СІЗА №1.

Што праўда, падобна да таго, што Пратасевіч загрыміраваны, а на яго твары бачныя незразумелыя плямы.

Важныя падзеі панядзелка, 24 траўня, у праграме ЕЎРАЗУМ.

1:04 Затрыманне Пратасевіча: чаго яно будзе каштаваць Беларусі? меркаванне эксперта

21:50 Навіны спорту

23:45 Вялікабрытанія асуджае дзеянні афіцыйнага Мінска і заклікае вызваліць Рамана Пратасевіча і іншых беларускіх палітвязняў. Літва прапануе выключыць Беларусь са складу Інтэрпола

25:07 Каб выехаць з Беларусі, цяпер патрэбна даведка з адмоўным ПЦР-тэстам?

32:56 Навіны шоу-бізу

35:45 Беларусы Амерыкі аб’ядналіся — для чаго і чаму толькі цяпер?

Канцлер ФРГ Ангела Меркель: улады Беларусі павінны неадкладна вызваліць Рамана Пратасевіча і яго дзяўчыну Сафію Сапега.

Меркель назвала сітуацыю з бортам Ryanair "прымусовай пасадкай, у выніку якой затрымалі апазіцыянера", і дадала, што іншыя версіі інцыдэнту не выклікаюць даверу.

Нідэрландская авіякампанія KLM часова прыпыніць палёты ў паветранай прасторы Беларусі.

Раней ад палётаў над нашай краінай адмовіліся скандынаўская SAS, кіпрская Avia Solutions, польская LOT, венгерская Wizzair, латвійская airBaltic і нямецкая Lufthansa.

Хакеісты зборнай Беларусі прайгралі Чэхіі — 2:3. Прычым прапусцілі вырашальную шайбу ў авертайме.

А вы паспяваеце з усімі апошнімі навінамі сачыць яшчэ і за чэмпіянатам свету па хакеі?

https://euroradio.pl/hakeisty-zbornay-belarusi-u-avertayme-praygrali-chehii-23

⚡️ Еўрасаюз забараніў беларускім авіякампаніям палёты ў краіны ЕС.

Лідары ЕС заклікалі еўрапейскіх авіяперавозчыкаў пазбягаць палётаў над Беларуссю.

Таксама лідары Еўразвязу заклікалі "як мага хутчэй" увесці дадатковыя санкцыі супраць Беларусі.

Яны могуць закрануць бізнэс, эканоміку і авіяцыю.

Калісьці Лукашэнку на Захадзе называлі "апошнім дыктатарам Еўропы". Уплывовае вашынгтонскае выданне Politico прапаноўвае, так бы мовіць, рэбрэндынг. Як вам новае азначэнне?