🔴 Соторутааҕыта Нам улууһун ватсап бөлөхтөрүн маннык сурук тилийэ көппүтэ: "30 саастаах 1 Хомустаах уола 70-ча төбө сүөһүнү иитэн туруорар. Соҕотоҕун көрөбүн диир. Маннык ыччаты көрдөххө киһи дууһата үөрэр, инникигэ эрэл үөскүүр". Биһиги редакциябыт үлэттэн чаҕыйбат эдэр фермери кытта кэпсэттэ.

Бастакы Хомустаах нэһилиэгэр хойукка диэри сүөһүлэрин эспэккэ тутан олорбут Соловьевтар дьиэ кэргэн буолаллар. Уоллара Федот ынах-сүөһү ииттэн 2022 сыл түмүгүнэн оттоһуҥҥа былаанын 374 % толорон “Сыл бастыҥа” ааты ылар чиэскэ тиксибитэ.

— Билигин төбөтүнэн аахтахха хас сүөһүлээххиний?

— 70 төбөлөөхпүн, мин санаабар, бу аҕыйах, сүүһүнэн ахсааннааҕы тутуохха наада. Ыанарынан билигин 10-тан тахса ынах баар.

— Билиҥҥи туругунан хаһаайыстыбаҕар туох кыһалҕа баарый?

— Биир сытыы кыһалҕа хотон буолар, билигин турар хотонум эргэ, уруккута кооперативтар хотонноро. Үрдэ иккитэ сууллан, өрөмүөн күүһүнэн эрэ тураахтыыр, билигин да кутталлаах хотоҥҥо сүөһүлэрим тураллар. Бэйэм үлэттэн чаҕыйбаппын, куттаммаппын.

Эдэр эрэ киһи барыта дьарыктаммат үлэтин Федот Ядреев бэйэтин күүстээх санаатынан, баҕатынан кыайан үлэлии-хамныы сылдьара хайҕаллаах дьыала. Маннык үлэһит ыччаттарбытын  күүскэ өйөөтөхпүтүнэ, кэнэҕэски ылсыан баҕарар ыччаттар толлубакка хороҕор муостааҕы  иитиэ эбиттэрэ буолуо диэн эрэнэбит.

✅ Интервьюну сиһилии манна аах 👈

@gazetaensieli
@ulusmedia

🏃 1 Хомустаах олохтоохторо оһуокай оһуорун, эһиэкэй эргиирин оройуттан туттулар

Бүгүн Хомустаах Бастакы нэһилиэгэр «Алгыс» норуот айымньытын киинин А.Н. Окоемов аатынан мини-пааркатыгар «Саха сирэ — мин дойдум» диэн Өрөспүүбүлүкэ күнүнэн нэһилиэнньэҕэ тэрээһин буолла.

Үөрүүлээх өрөгөй күнүнэн ыалдьыт дьон үөрбүччэ-көппүччэ төгүрүччү тоҕуоруһа тураннар, илии илииттэн ылсаннар, атах тэпсэн, оргууй оһуокай оһуорун, эргиий эһиэкэй эргиирин оройуттан туттулар. Оһуокайы Ирина Николаева таһаарда. Саха киһитэ ыалдьытымсах диэн мээнэҕэ эппэттэр, онуоха кэлбит дьону алаадьынан, ис миининэн күндүлээтилэр.

✅ Сиһилии 👈

✍🏻📹Лена Корякина

@gazetaensieli