#بعدك_الأيام_بخير 🌸
بتحكي قالت :
كان لمن يجي يحكي لي مشاكلو وظروفو كنت بستغرب شديد ومرات بحس انو بكذب علي من كمية الحاجات السيئة البحكيها ، كانت حاجات بتهد جبل لكن بشوفو عادي معاي كأنو ما مأثرة عليهو فبجيني إحساس انو بكذب وبخلق القصص دي من راسو لانو دي حاجات فوق التحمل وطاقة اي انسان
كيف هو قادر يستحملها كلها ويكون عادي ويهظر معاي ويغازلني ويضحك ..؟
وبي غريزة الأنثي البتخاف دايماً من صدق مشاعر الطرف الآخر ليها وبتدقق في كل التفاصيل وبتخلق جواها سيناريوهات أغلبها سيئة ، تعبت جداً من التفكير لحدي ما سألتو
ولما سألتو قال لي :
إنتي مهونة علي كل دا ، إنتي مصبراني علي كل الأنا عايشو والبمر بيهو ، كل يوم بعد التعب والشقي والشايلو في ضهري وقلبي من فتر يومي بجي برقد في المخدة وانا عارف انو سريري ما بسع الهم دا كلو ، بحكي ليك إنتي وبحس روحي خفيف ولما اغمض عيوني بتخيل اليوم اللي أكون معاك فيهو وأرتاح
اليوم اللي حأقدر أقول لي نفسي وليك بي صوت عالي :
" بعدك الأيام بخير "
إنتي براحي من شقي سنيني وإنتي إستراحة روحي والنفس الوحيد الباخدو من الدنيا دي وبحس بيهو
ومن ساعتها بقيت بتعامل معاهو علي الأساس دا وبقيت شايفة البينا عظيم لياتو درجة وإستشعرت مكانتي جواهو ، موش مفروض أكون زي أي بت مع أي شخص بتفتش عن أمانها جواهو !!
لقيت أماني في تعبو البروح معاي ولما يجيني ولي أول مرة بقيت أبدا أفتش عن أمانو جواي 💜
————————————————
وهو الزول شن داير من الدنيا دي غير سند ورفيق عمر ، يهون عليك وتهون عليهو ، يكوس دربك عشان يرتاح ويلقاك وتلقاهو بر أمان …
"نحن بإختصار بنقدر نهد جبال ونحن مع الشخص الصاح لكن مع الناس الغلط بتهدّ حيلنا وحتي شيلة النفس دي صعبة "
أجيك شايل هموم الكون
وأرجع قاهر أحزاني
وأجيك ضعيف شتات إنسان
وأرجع أقوي من تاني
ومهما الدنيا تقهرني وتظلمني
قربك هو البطمني
بتحكي قالت :
كان لمن يجي يحكي لي مشاكلو وظروفو كنت بستغرب شديد ومرات بحس انو بكذب علي من كمية الحاجات السيئة البحكيها ، كانت حاجات بتهد جبل لكن بشوفو عادي معاي كأنو ما مأثرة عليهو فبجيني إحساس انو بكذب وبخلق القصص دي من راسو لانو دي حاجات فوق التحمل وطاقة اي انسان
كيف هو قادر يستحملها كلها ويكون عادي ويهظر معاي ويغازلني ويضحك ..؟
وبي غريزة الأنثي البتخاف دايماً من صدق مشاعر الطرف الآخر ليها وبتدقق في كل التفاصيل وبتخلق جواها سيناريوهات أغلبها سيئة ، تعبت جداً من التفكير لحدي ما سألتو
ولما سألتو قال لي :
إنتي مهونة علي كل دا ، إنتي مصبراني علي كل الأنا عايشو والبمر بيهو ، كل يوم بعد التعب والشقي والشايلو في ضهري وقلبي من فتر يومي بجي برقد في المخدة وانا عارف انو سريري ما بسع الهم دا كلو ، بحكي ليك إنتي وبحس روحي خفيف ولما اغمض عيوني بتخيل اليوم اللي أكون معاك فيهو وأرتاح
اليوم اللي حأقدر أقول لي نفسي وليك بي صوت عالي :
" بعدك الأيام بخير "
إنتي براحي من شقي سنيني وإنتي إستراحة روحي والنفس الوحيد الباخدو من الدنيا دي وبحس بيهو
ومن ساعتها بقيت بتعامل معاهو علي الأساس دا وبقيت شايفة البينا عظيم لياتو درجة وإستشعرت مكانتي جواهو ، موش مفروض أكون زي أي بت مع أي شخص بتفتش عن أمانها جواهو !!
لقيت أماني في تعبو البروح معاي ولما يجيني ولي أول مرة بقيت أبدا أفتش عن أمانو جواي 💜
————————————————
وهو الزول شن داير من الدنيا دي غير سند ورفيق عمر ، يهون عليك وتهون عليهو ، يكوس دربك عشان يرتاح ويلقاك وتلقاهو بر أمان …
"نحن بإختصار بنقدر نهد جبال ونحن مع الشخص الصاح لكن مع الناس الغلط بتهدّ حيلنا وحتي شيلة النفس دي صعبة "
أجيك شايل هموم الكون
وأرجع قاهر أحزاني
وأجيك ضعيف شتات إنسان
وأرجع أقوي من تاني
ومهما الدنيا تقهرني وتظلمني
قربك هو البطمني