#talablarga_binoan

***

Koʻchamizga qaraymiz,
Katta bizning koʻchamiz.
Turfa eshiklar qator,
Qaysi birin ochamiz?!

Qadamda sharobxona,
Oralab kabobxona.
Lek, afsus, topilmaydi -
Bitta ham kitobxona.

Bor hokim - janobxona,
Ham qozi - javobxona.
Uchramaydi, lek, attang,
Bir kitob - savobxona.

Dorixona ham bisyor,
Goʻyo butun el bemor.
Qalbga shifo boʻlguchi -
Kutubxona yoʻq bekor.

Maʼrifat tutib, xona,
Dardlarin yutib, xona.
Turadi kutubxona -
Intizor, kutib xona...

Koʻchamizga qaraymiz,
Shumi bizning koʻchamiz?
Kutubxona boʻlmasa -
Bu koʻchadan koʻchamiz!..

BOBUR BOBOMUROD

Telegram: @bobur_bobomurod